Խուզարկություններ՝ Սյունիքի ներկա ու նախկին մարզպետների որդիների վեճի մասնակիցերի տներում. Aravot.am

Երևան քաղաքի ընդհանուր իրավասության դատարանի որոշումների հիման վրա հուլիսի 20-ին խուզարկություններ են կատարվել Սյունիքի ներկա մարզպետ Մելիքսեթ Պողոսյանի և նախկին մարզպետ Սուրիկ Խաչատրյանի որդիների միջև Գորիսում տեղի ունեցած վիճաբանության մասնակիցների տներում, գրում է «Aravot.am»-ը։

Հիշեցնենք, ըստ քրգործի, հուլիսի 13-ին՝ ժամը 23.00-ի սահմանում, Սյունիքի ներկա մարզպետ Մելիքսեթ Պողոսյանի որդին՝ 33-ամյա Կարեն Պողոսյանը հորեղբոր որդու՝ 41-ամյա Գագիկ Պողոսյանի, ընկերների Հարութ Վարդանյանի, Արմեն Աղաջանյանի, Էրիկ Զադայանի, Արմեն Հովսեփյանի, Հարութ Լալազարյանի, Մհեր Սահակյանի հետ Գորիս համայնքի Գետափնյա եւ Գ. Նժդեհի փողոցների հատման խաչմերուկում վիճաբանել են Սյունիքի նախկին մարզպետ Սուրիկ Խաչատրյանի որդու՝ 27-ամյա Տիգրանի հետ։

Տիգրանի հետ են եղել Հրաչիկ Թունյանը, Նորայր Մնացականյանը, Մելիք Բարսեղյանը եւ վերջինիս որդին՝ Մուշեղ Բարսեղյանը։ Առաջացած ծեծկռտուքի ընթացքում Կարեն Պողոսյանը իրեն պատկանող «Տոյոտա Քեմրի» ա/մ-ից վերցրել է ապօրինի պահվող ինքնաձիգը և շատերի կյանքի համար վտանգավոր եղանակով անկանոն կրակահերթ է արձակել, ինչի արդյունքում Հարութ Վարդանյանը եւ Մելիք Բարսեղյանը ստացել են հրազենային վիրավորումներ: Կարեն Պողոսյանի բնակության հասցեում եւ կից օժանդակ շինություններում կատարված խուզարկության ժամանակ հայտնաբերվել են տարբեր տրամաչափի փամփուշտներ։

Նույն օրը խուզարկություն է կատարվել նաև Կարեն Պողոսյանի ընտանիքին պատկանող Գորիս քաղաքի «Զանգեզուր» ռեստորանահյուրանոցային համալիրում , որի ընթացքում հայտնաբերվել է «Մակարով» տիպի ատրճանակ 9 մմ տ/չ 1 փամփուշտ:

Այս թեմայով Ֆրանսիայի դեսպանը Սյունիքում է․ քննարկվել է տարածաշրջանի անվտանգային իրավիճակը Այսօր կրկին այցելում եմ Սյունիք՝ ՀՀ-ի ռազմավարական նշանակության և խոցելի մարզ. Ֆրանսիայի դեսպան «Սյունիք» օդանավակայանը կարող է ծառայել միջազգային չվերթներ իրականացնելուն Ցավակցում եմ Սյունիքի սահմանին զոհված զինծառայողների ընտանիքներին․ Մարագոս ՀՀ տարածքում կան փակ և դժվարանցանելի ավտոճանապարհներ Սյունիքի մարզպետն արձակուրդ է մեկնում Ադրբեջանցիները գալու են ու լցվեն Սյունիք, եթե միջանցք լինի, Ալիևն իր բանակն է հզորացնում. Օհանյան Ուժեղացված ծառայություն՝ Սյունիքի մարզի ավտոճանապահներին Եկեք Սյունիք, գյուղեր, արցախցիներ, այնտեղ ձեզ սպասում են. Խաչատրյան Բոլորիս համար Սյունիքը Հայաստանի դիմակայության և ամրության խորհրդանիշն է. ԵՄ դեսպան