Կամերային թատրոնի անձնակազմը հայտնվելու է շատ ավելի լավ պայմաններում․ Դումանյանը՝ թատրոնների միավորման մասին

 Կրթության, գիտության, մշակույթի և սպորտի նախարարի պաշտոնակատար Վահրամ Դումանյանը կառավարության նիստից հետո անդրադարձավ  Պետական կամերային երաժշտական թատրոնի և Հ. Պարոնյանի անվան երաժշտական կոմեդիայի պետական թատրոնի միավորման գործընթացին՝ նշելով, որ դա օպտիմալացում չէ։ «Կա նման գաղափար և դա լիովին տեղավորվում է նախարարության կողմից վարվող ոլորտային քաղաքականության մեջ։ Դա ինքնանպատակ չէ, մանրակրկիտ քննարկվել է և միայն Կամերային կամ Պարոնյանի անվան թատրոններով չէ հարցը դիտարկվում։ Մենք ունենք այլ կազմակերպություններ, որոնք ունեն լրջագույն խնդիրներ և ավելի լավ պայմաններ ենք առաջարկում իրենց», - ասաց նախարարի պաշտոնակատարը։

Անդրադառնալով լուրերին, թե թատրոններից մեկի շենքում ռեստորան է բացվելու՝ Վահրամ Դումանյանը շեշտեց՝ բացառված է, որ նման բան լինի:  «Չկա նման բան։ Մենք ունենք պետական սիմֆոնիկ նվագախումբը, որը խորթ զավակ չէ և տարիներ շարունակ չունի իրեն ամրագրված շենք։ Որևէ մեկի հաշվին որևէ բան չի արվում։ Բոլորը պետական կազմակերպություններ են: Հրաշալի է, որ թատրոնները միավորվում են, քանի որ միավորումներ կան, որ փրկություն են»,- ասաց Վահրամ Դումանյանը:

Ըստ նրա՝ այդ քայլով լուծվում է Երևանի պետական սիմֆոնիկ նվագախմբի շենքի հարցը, ինչը լրջագույն խնդիր է: «Իսկ ինչ վերաբերում է Կամերային թատրոնի անձնակազմին, ապա մեր տվյալներով՝ նրանք հայտնվելու են շատ ավելի լավ պայմաններում: Իրենց ստեղծագործական ազատությունը, բեմադրությունները եւ գործունեությունը չեն խաթարվելու»,- ասաց նա:

Դումանյանը նշեց, որ ինքը թատրոնների անձնակազմի հետ որևէ քննարկում չի ունեցել, սակայն փոխնախարար Արա Խզմալյանը ունեցել է բազմաթիվ հանդիպումներ: «Տեղյակ եմ, որ Կամերային թատրոնում կան որոշակի դժգոհություններ, ինչը բնական է: Մարդիկ ավանդույթի ուժով իրենց պատկերացնում են միայն այդտեղ և ուրիշ ոչ մի տեղ: Դրանք լիովին ընկալելի զգացումներ են, բայց պետությունը չի կարող զգայական ամբիցիաների բավարարման գծով գնալ, որովհետեւ ավելի մեծ պատասխանատվություն ունի իր վրա»,- ասաց նա:

Այս թեմայով ՈՒՂԻՂ. «ԳՈՅ»-ի աշխատակիցները փակ դռնով մուտք են գործում թատրոն «Գոյ» թատրոնի ստեղծագործական կազմը ժամանակավորապես դադարեցրել է նստացույցը ՈՒՂԻՂ. «Գոյի» մուտքը փակել են. աշխատակիցները թատրոն են մտնում այլ ճանապարհով Նախարար Ժաննա Անդրեասյանն այցելել է «Թատրոն տանիքում» այլընտրանքային թատրոն «Գոյ» թատրոնը պատրաստ է գործունեություն ծավալել որպես անկախ թատրոն Ձեր գործունեությամբ նոր շունչ ու կենսականություն եք բերել թատրոն. Կարեն Դուրգարյանը նշում է 55-ամյակը Արցախի հարցը որևէ կապ չունի Ադրբեջանի տարածքային ամբողջականության հետ, մենք ինքնորոշվել էինք մեր տարածքի վրա․ Վահրամ Բալայան Փետրվար ամսվա ներկայացումներն անժամկետ դադարեցվել են․ «Գոյ» թատրոն «Հանդիսատեսն ահա այսպես որոշում է, որ «Գոյ» թատրոնը պետք է լինի» (տեսանյութ) «Գոյ» թատրոնը ԿԳՄՍ նախարարությանը պահանջում է աշխատանքից ազատել Կարեն Սիմոնյանին