Արտակարգ դեպք Արմավիրի մարզում. «Հիսուսի մանուկներ» առողջության կենտրոնից 8 հոգի տեղափոխվել է հիվանդանոց

SHAMSHYAN.com-ի տեղեկություններով՝  երեկ՝ հուլիսի 21-ին, հերթական թունավորման դեպքն է տեղի ունեցել Արմավիրի մարզում:

Ժամը 20:25-ի սահմաններում Մյասնիկյան գյուղի շտապօգնության կայանից ահազանգ է  ստացվել ոստիկանության Բաղրամյանի բաժին, որ «սննդային թունավորում» ախտորոշմաբ իրենց մոտ է տեղափոխվել  մի քանի քաղաքացի:

Ոստիկաններն ու քննիչները պարզել են, որ տեղափոխվածներն են՝  Արմավիրի մարզի Բաղրամյան գյուղի   բնակիչ,   57-ամյա Ռուզաննա Գ.-ն, Արմավիրի  մարզի Մյասնիկյան գյուղի բնակիչներ, 35-ամյա Կարիե Խաչատրյանը,  57-ամյա Գայանե Աթոյանը և 44-ամյա Ալվարդ Հարությունյանը:

Ոստիկանները պարզել են նաև, որ նույն օրը՝ ժամ 23:50-ի սահմաններում Մյասնիկյան գյուղի շտապօգնության բժիշկների  հերթապահ խումբը դարձյալ «սննդային  թունավորում» ախտորոշմամբ  «Արմավիր» բժշկական կենտրոն  է տեղափոխել Արմավիրի մարզի Դալարիկ գյուղի բնակիչներ, 59-ամյա Համլետ Մանուկյանին, 31-ամյա Արսեն Մանուկյանին, 25-ամյա Շուշաննա Կարապետյանին  և  Համլետ Մանուկյանին, ում տարիքը ճշտվում է:

Մինչ բժիշկները անհրաժեշտ բուժօգնություն էին ցուցաբերում նշված անձանց, ոստիկաններն ու քննիչները, ինչպես նաև Արմավիրի մարզի սննդամթերքի անվտանգության տեսչության մարմնի աշխատակիցները՝ պետ Մկրտչյանի և գլխավոր տեսուչ Պետրոսյանի գլխավորությամբ, պարզել են, որ  նշված անձինք թունավորվել են նույն օրը՝ժամը 13:00-ի սահմաններում աշխատանքի վայրում ընդմիջման ժամանակ Մյասնիկյան գյուղում գտնվող «Արաքս»  սննդի կետից գնված քյաբաբը ուտելուց  հետո:

Փաստի առթիվ ոստիկանության Բաղրամյանի բաժնի հետաքննական բաժանմունքում նյութեր են նախապատրաստվում:

Գ. Շամշյանի տեղեկություններով՝ նշված անձինք աշխատում են «Հիսուսի մանուկներ» առողջության կենտրոնում՝ մի մասը որպես բուժքույր, թունավորվածների մեջ  է նաև նշված կենտրոնի ադմինիստրատորը:

Այս թեմայով Գեղարքունիքում մեքենան հայտնվել է ձորակում. ընտանիքի անդամները տեղափոխվել են հիվանդանոց Երևանում կինը տղային իր փոխանցելիս ընկել է հորը. նրան տեղափոխել են հիվանդանոց Վայոց ձորում իրանական համարանիշերով բեռնատարը կողաշրջվել է Արագածոտնի մարզում 15-ամյա տղան հրազենային վնավածքով տեղափոխվել է հիվանդանոց Դանակահարություն՝ Արմավիրի մարզում․ մասնակիցներից 2-ը մարմնական վնասվածքներով տեղափոխվել են հիվանդանոց Արտակարգ դեպք՝ Կոտայքում․ «շմոլ գազի թունավորում» ախտորոշմամբ հիվանդանոց է տեղափոխվել 5 քաղաքացի Ավտովթար՝ Երևանում․ երկու վարորդներն ու անչափահաս ուղևորը տեղափոխվել են հիվանդանոց Դանակահարություն՝ Երևանում․ անչափահասները տեղափոխվել են հիվանդանոց Ողբերգական ավտովթարի հետևանքով հիվանդանոց տեղափոխված վիրավորներից մեկը նույնպես մահացավ Հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը