Փոխվարչապետի խորհրդականը հորդորում է ԵՄ աջակցության փաթեթը չկապել աշխարհաքաղաքական գործընթացների հետ

2,6 մլրդ եվրոյի չափով ֆինանսական աջակցության փաթեթը, որն առաջիկայում Եվրամիությունը կտրամադրի Հայաստանին, կապ չունի աշխարհաքաղաքական զարգացումների հետ: «Արմենպրես»-ի հաղորդմամբ՝  այս մասին «Հայաստանի տնտեսական համագործակցությունը ԵՄ և ԵԱՏՄ հետ» խորագրով քննարկմանը հայտարարեց փոխվարչապետի պաշտոնակատար Մհեր Գրիգորյանի խորհրդական Մանե Ադամյանը՝ նշելով, որ դա Արևելյան գործընկերության հերթական ծրագիրն է, որը նախորդներից տարբերվում է իր մեծ ծավալներով:

«Ես պարբերաբար լսում եմ մամուլում, տարբեր փորձագիտական շրջանակներ անընդհատ այդ հարցը բարձրացնում են՝ «ինչո՞ւ են մեզ աջակցում», «երևի ինչ-որ մի ուրիշ, թաքուն պատմություն կա, որի մասին մենք տեղյակ չենք»… Տեսեք. չկա՛ նման բան: Մենք մեր գործընկերների հետ շատ խորքային աշխատանք ենք տարել այս ընթացքում: 2018 թվականից հետո Եվրամիության կողմից Հայաստանին հատկացվող աջակցությունը պարբերաբար ավելացել է: Մեր համագործակցությունը Եվրամիության հետ շատ դինամիկ է: Առաջին անգամ չէ, որ ՀՀ-ին տրամադրվում է աջակցություն, բայց առաջին անգամ է, որ այս ծավալով միանգամից հայտարարվում է: Կոնկրետ այս փաթեթը ոչ միայն Հայաստանի համար էր նոր, համակարգված գործիքակազմ, այլև Արևելյան գործընկերության մյուս անդամ պետությունների: Ես պարտադիր նշում եմ սա, որ մարդիկ այս ծրագրերը չփորձեն կապել աշխարհաքաղաքական ինչ-որ գործընթացների հետ», - ասաց Մանե Ադամյանը՝ հավելելով, որ Արևելյան գործընկերության ծրագրի շրջանակներում Հայաստանից բացի՝ աջակցություն են ստացել նաև Վրաստանը, Ադրբեջանը, Ուկրաինան, Բելառուսը, Մոլդովան:

Խորհրդականը պարզաբանեց, որ նմանատիպ ծրագրերով տարբեր երկրներին հատկացվող ֆինանսական աջակցությունները թիրախավորված են՝ հաշվի առնելով ժամանակակից աշխարհի առաջնահերթ հիմնախնդիրները, օրինակ՝ կլիմայական փոփոխությունները, բնական ռեսուրսների վատնումը, էներգաարդյունավետության խնդիրները, ջրային ռեսուրսների կառավարումը, աղբի կառավարումը, որոնք «սահմաններ չեն ճանաչում»:

Մանե Ադամյանի խոսքով՝ սա Արևելյան գործընկերության հերթական շրջանակային փաստաթուղթն է, որը, սակայն, նախորդներից տարբերվում է նրանով, որ այս անգամ ավելի համակարգված ու ավելի մեծ ծավալներով ֆինանսական միջոցների ներարկում է նախատեսվում:

«Վերականգնում, դիմակայունություն, բարեփոխում. Արևելյան գործընկերության առաջնահերթությունները՝ 2020 թվականից հետո» անվանումով փաստաթղթի շրջանակներում հաստատվել է 7 ուղենիշ: Ի սկզբանե, հաստատվել էր 5 ուղղություն, բայց քանի որ եվրահանձնակատարը Երևանում հայտարարեց հավելյալ 1 մլրդ եվրոյի աջակցության մասին, ավելացավ ևս 2 ուղղություն:

Դրանք են՝

1.Աջակցություն փոքր ու միջին ձեռնարկություններին

2.Ենթակառուցվածքային զարգացում (ներառյալ Հյուսիս-Հարավ ծրագիրը)

3.Թվային վերափոխում

4.Աջակցություն ՀՀ հարավային մարզերին

5.«Խելացի Երևան»

6.Կրթության հասանելիություն

.Ջրային ռեսուրսների և աղբի կառավարում

Փոխվարչապետի խորհրդականը շեշտեց, որ փաստաթուղթը աշխատանքային է և դեռևս մշակումների փուլում է գտնվում: Ի դեպ, Հյուսիս-Հարավ ճանապարհի կառուցմանը նախատեսվում է հատկացնել մոտ 600 մլն եվրոյի աջակցություն:

Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին հուլիսի 9-ին Երևանում հայտարարել էր, որ Եվրամիությունը 2,6 մլրդ եվրոյի չափով ֆինանսական աջակցության փաթեթ կտրամադրի Հայաստանին: Դրամաշնորհն ուղղված կլինի մի շարք ծրագրերի իրականացմանը՝ ավելի ուժեղ և դիմադրողունակ դարձնելով տնտեսությունը, ապահովելով տնտեսական աճ և ստեղծելով նոր աշխատատեղեր:

Այս թեմայով Հայաստանը մեր դաշնակիցն է․ ՌԴ փոխվարչապետ (տեսանյութ) Փոխվարչապետ Խաչատրյանը հանդիպել է ՀՀ-ում հավատարմագրված դիվանագիտական ներկայացուցչությունների ղեկավարներին ՀՀ ԱԳ նախարարի հայտարարությունը Ղազախստանի փոխվարչապետ, ԱԳ նախարարի հետ հանդիպման արդյունքներով Վահագն Խաչատուրյանը հանդիպում է ունեցել Իրաքյան Քուրդիստանի փոխվարչապետ Քուբաթ Թալաբանիի հետ Հայաստանն ու Ադրբեջանը տվյալ փաստաթղթի նախագիծը կդնեն ներպետական շրջանառության մեջ․ ՀՀ փոխվարչապետ Փոխվարչապետն ու ԵՏՀ կոլեգիայի նախագահը մտքեր են փոխանակել ԵԱՏՄ-ում ՀՀ նախագահության առաջնահերթությունների շուրջ Փոխվարչապետ Տիգրան Խաչատրյանն ընդունել է Բրազիլիայի դեսպանին Փոխվարչապետ Մհեր Գրիգորյանը մեկնում է Իրան Փոխվարչապետ Մհեր Գրիգորյանն ընդունել է ԱՄՆ դեսպանին Փոխվարչապետ Տիգրան Խաչատրյանն ընդունել է ՀՀ-ում Բելգիայի դեսպանին