Հայկ Մարտիրոսյանը իր կարիերայի լավագույն արդյունքն է համարում Շահրիյար Մամեդյարովի նկատմամբ հաղթանակը

Հայաստանի շախմատի տղամարդկանց հավաքականի անդամ Հայկ Մարտիրոսյանը գոհ է Սոչի քաղաքում կայացած աշխարհի գավաթի խաղարկությունում իր գրանցած արդյունքներից:

«Արմենպրես»-ի հետ զրույցում Մարտիրոսյանը շեշտեց, որ նմանատիպ մրցաշարերը լուրջ նախապատրաստական փուլ են պահանջում: «Առաջին անգամն էր, որ մասնակցում էի աշխարհի գավաթի խաղարկության և հասա մինչը 1/8 եզրափակիչ: Ինձ համար մեծ պատիվ էր նմանատիպ մրցաշարում Հայաստանը ներկայացնելը: Աշխարհի գավաթի խաղարկությունն այն բարդ մրցաշարերից է, որտեղ կարող ես միանգամից լքել պայքարը: Կարիերայիս լավագույն արդյունքն այն էր, որ հաղթեցի Շահրիյար Մամեդյարովին, որը աշխարհի 5 լավագույն շախմատիստներից մեկն է»,-ասաց նա:

Մարտիրոսյանի խոսքով` 1/8 եզրափակիչում ևս պետք է հաջողության հասներ, սակայն հոգնածությունն իրենն ասաց:

«Մրցաշարն իսկապես հաջող դասավորվեց ինձ համար, ես գոհ եմ այն արդյունքից, որը եղավ»,-շեշտեց նա:

Շախմատի աշխարհի գավաթի խաղարկությունում Հայկ Մարտիրոսյանը հասավ մինչև 1/8 եզրափակիչ: 3-րդ շրջանում էլ նա պայքարից դուրս թողեց Ադրբեջանի ուժեղագույն շախմատիստին՝ Շահրիյար Մամեդյարովին: Ավելի վաղ պայքարից դուրս էին մնացել Գաբրիել Սարգսյանը, Շանթ Սարգսյանը, Հովհաննես Գաբուզյանը և Էլինա Դանիելյանը: Իսկ ավելի վաղ հայտնի էր դարձել, որ գրոսմայստեր Լևոն Արոնյանն առհասարակ չի մասնակցի աշխարհի գավաթի խաղարկությանը առողջական խնդիրների պատճառով: Արոնյանն աշխարհի գործող գավաթակիրն է:

Շախմատի աշխարհի գավաթի խաղարկությունն այս տարի անցկացվում է ռուսաստանյան Սոչի քաղաքում: Տղամարդկանց մրցաշարին մասնակցում են 206, իսկ կանանց մրցաշարին՝ 103 մասնակից: Այն կեզրափակվի օգոստոսի 6-ին:

Այս թեմայով Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության Սա է պատերազմից խուսափելու լավագույն միջոցը. Ֆինլանդիայի նախագահ Կարևոր եմ համարում Մեծ եղեռնի ներքին հայեցումը․ Նիկոլ Փաշինյանի ուղերձը Ալիևը մինչև նոյեմբեր լիովին իրատեսական է համարում Հայաստանի հետ խաղաղության համաձայնագրի կնքումը Սամվել Մարտիրոսյանը զգուշացնում է զանգվածաբար տարածվող հաղորդագրությունների վերաբերյալ ԵՄ-ն Իրանի նկատմամբ նոր պատժամիջոցներ կսահմանի Պատգամավորը կարևոր ձեռքբերում է համարում սահմանազատումն Ալմաթիի հռչակագրի հիման վրա իրականացնելու շուրջ Հայաստանի ու Ադրբեջանի պայմանավորվածությունը ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով Անչափահաս աղջկա նկատմամբ սեռական բռնություն կատարած 74-ամյա և 66-ամյա տղամարդկանց հայտնաբերել են Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու