Ռուս սահմանապահների տեղակայման հարցով քննարկումները շարունակվում են. Ռուբինյան

Հայ-ադրբեջանական սահմանի երկայնքով ռուս սահմանապահների տեղակայման հարցով Հայաստանը Ռուսաստանի հետ քննարկումների մեջ է: Այս մասին ԱԺ-ում լրագրողների հետ զրույցում ասաց  «Քաղաքացիական պայմանագիր» խմբակցության պատգամավոր, ԱԺ նախագահի տեղակալ Ռուբեն Ռուբինյանը:

Անդրադառնալով ՀՀ վարչապետ Նիկոլ Փաշինյանի առաջարկին՝ հայ-ադրբեջանական սահմանի երկայնքով ռուս սահմանապահներ տեղակայելու մասին՝ Ռուբինյանն ասաց, որ ռուս գործընկերների հետ քննարկումների մեջ են:

«Քննարկումները շարունակվում են, այս պահին նոր բան չեմ կարող հայտնել»,-ասաց Ռուբինյանն ու հավելեց՝ երբ որևէ զարգացում լինի, հանրությունը կտեղեկանա այդ մասին:

Նա նշեց՝ Փաշինյանի այդ ելույթը Անվտանգության խորհրդի նիստում ամիսներ առաջ նրա ունեցած ելույթի կոնտեքստում էր: «Մեր դիրքորոշումը շատ հստակ է, ՀՀ սահմանները խախտված են՝  մայիսի 12-ից ադրբեջանական զորամիավորումների ներխուժման բերումով, ինչն  անթույլատրելի է: Վարչապետը Անվտանգության խորհրդի նիստում ամիսներ առաջ հայտնել էր առաջարկը՝ իրավիճակը դեէսկալացնելու, երկու կողմից զորամիավորումների՝ սահմանից հայելային հետքաշման վերաբերյալ, որից հետո միայն հնարավոր կլիներ խոսել սահմանագծման և սահմանազատման մասին: Արդեն վերջին հայտարարության մեջ վարչապետ Փաշինյանը ի հավելումն հնչեցրել է առաջարկ՝ առ այն, որ հնարավոր է դիտարկել հայ-ադրբեջանական սահմանին ռուս սահմանապահների կամ միջազգային դիտորդների ներկայությունը՝ կրկին սահմանից երկու կողմերի հայելային հետքաշմամբ»,-պարզաբանեց Ռուբինյանը:

Նա նաև շեշտեց, որ ՀՀ-ն շատ գնահատում է իր միջազգային գործընկերների, այդ թվում՝ Ֆրանսիայի աջակցությունը, որը գաղտնիք չէ, որ բավականին մեծ աջակցություն է ցուցաբերել: «Բայց մեր գործողությունները կապված են տարբեր իրավիճակների հետ: Մեր արտաքին քաղաքականության վարման ոճն այն է, որ մենք չենք պատրաստվում որևէ երկրի հետ հարաբերություն կառուցել՝ ի հաշիվ այլ երկրի»,-ասաց Ռուբինյանը:

Անդրադառնալով հարցին, թե արդյոք ՀՀ-ն կդիմի ՄԱԿ-ի անվտանգության խորհրդին՝ նա հիշեցրեց, որ այդ կառույցում որոշումներ ընդունվում են կոնսենսուսով: «Դա ենթադրում է, որ ցանկացած երկիր, որը ցանկանում է դիմել, պետք է համապատասխան մթնոլորտ ապահոված լինի, հակառակ դեպքում դա անիմաստ է: Բացի այդ, կա քաղաքական և արտաքին քաղաքական պատեհության և նպատակահարմարության հարց»,-ասաց    

Ռուբինյանն ու հավելեց՝ այդ գործընթացը դիտարկում են իր ասած համատեքստում, եթե նման անհրաժեշտություն լինի, քայլեր կգործարկվեն՝ համապատասխան մթնոլորտ ապահովելուց հետո:

Այս թեմայով Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Ռուս խաղաղապահների դուրսբերումն Արցախից ընդգծում է մեր տարածաշրջանում առկա բազմամակարդակ խնդիրները Մեզ համոզում էին՝ եթե ռուս խաղաղապահը դուրս գա ԼՂ-ից, ապա Սկանդինավյան խաղաղապահը կգա, սպասում ենք Ռուս խաղաղապահների Արցախից հեռանալը նախևառաջ ամրագրում է թուրքական գործոնի էական ուժեղացումը. Աբրահամյան Զատուլինը հայտնել է՝ ինչու են Արցախից դուրս բերվել ռուս խաղաղապահները Ռուս խաղաղապահներին դուրս բերելու որոշումը կայացրել է Ռուսաստանի և Ադրբեջանի բարձրագույն ղեկավարությունը. Հաջիև Պեսկովը հաստատել է Արցախից ռուս խաղաղապահների դուրսբերման մեկնարկը Ռուս խաղաղապահները դուրս են գալիս օկուպացված Արցախից (տեսանյութ) Ռուս խաղաղապահները դուրս են գալիս օկուպացված Արցախից (տեսանյութ) Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան