Օգոստոս ամսվա կլիմայական բնութագիրը և եղանակային կանխատեսումը

Եղանակի կանխատեսում 2021թ. Օգոստոս ամսվա համար

Երևան քաղաք

Օդի ամսական միջին ջերմաստիճանը սպասվում է +27…+28 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը ‘ մինչև +40…+41 աստիճան, ամսվա երկրորդ կեսին’ օդի ջերմաստիճանի նվազում’ գիշերը մինչև +13…+15 աստիճան (դիտված պատմական նվազագույնը’ +8…+10, առավելագույնը’ +41…+42 աստիճան): Ամսական տեղումների քանակը ենթադրվում է նորմայից ավելին (նորման’ 8-10 մմ):

Արարատի և Արմավիրի մարզեր. Արագածոտնի և Կոտայքի մարզի
նախալեռնային շրջաններ

Օդի ամսական միջին ջերմաստիճանը սպասվում է +27…+28 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը’ մինչև +40…+41 աստիճան, ամսվա երկրորդ կեսին’ օդի ջերմաստիճանի նվազում’ գիշերը մինչև +14…+16 աստիճան (դիտված պատմական նվազագույնը’ +9…+11, առավելագույնը’ +41…+42 աստիճան): Ամսական տեղումների քանակը ենթադրվում է նորմայից ավելին (նորման’ 8-11 մմ):

Շիրակի և Գեղարքունիքի մարզեր. Արագածոտնի և Կոտայքի մարզի
լեռնային շրջաններ

Օդի ամսական միջին ջերմաստիճանը սպասվում է +17…+19 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը’ մինչև +32…+35 աստիճան, ամսվա երկրորդ կեսին’ օդի ջերմաստիճանի նվազում, գիշերը մինչև +5…+8 աստիճան (դիտված պատմական նվազագույնը’ 0…+3, առավելագույնը’ +36…+37 աստիճան): Ամսական տեղումների քանակը ենթադրվում է նորմայից ավելին (նորման’ 30-46մմ):

Լոռու մարզ

Օդի ամսական միջին ջերմաստիճանը սպասվում է +17…+20 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը’ մինչև +33…+36 աստիճան, ամսվա երկրորդ կեսին օդի ջերմաստիճանի նվազում’ գիշերը մինչև +5…+9 աստիճան
(դիտված պատմական նվազագույնը’ 0…+3, առավելագույնը’ +35…+37 աստիճան): Ամսական տեղումների քանակը ենթադրվում է նորմայից ավելին (նորման’ 40-60մմ):

Տավուշի մարզ

Օդի ամսական միջին ջերմաստիճանը սպասվում է +20…+24 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը’ մինչև +35…+38 աստիճան, ամսվա երկրորդ կեսին’ օդի ջերմաստիճանի նվազում’ գիշերը մինչև +7…+11 աստիճան (դիտված պատմական նվազագույնը’ +5…+8, առավելագույնը’ +38…+40 աստիճան): Ամսական տեղումների քանակը ենթադրվում է նորմայից ավելին (նորման’ 30-55մմ):

Վայոց Ձորի մարզ

Օդի ամսական միջին ջերմաստիճանը սպասվում է նախալեռնային շրջաններում +27…+28, լեռնային շրջաններում’ +20…+22 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը նախալեռնային շրջաններում մինչև’ +40…+41, լեռնային շրջաններում’ +32…+35 աստիճան, ամսվա երկրորդ կեսին օդի ջերմաստիճանի նվազում’ գիշերը նախալեռնային շրջաններում մինչև’ +12…+15, լեռնային շրջաններում’ +5…+10 աստիճան (դիտված պատմական նվազագույնը’ նախալեռնային շրջաններում’ +9…+11, լեռնային շրջաններում’ +2…+4 աստիճան, առավելագույնը’ նախալեռնային շրջաններում +41…+42, լեռնային շրջաններում’ +35…+36 աստիճան): Ամսական տեղումների քանակը ենթադրվում է նորմայից ավելին (նորման’ նախալեռնային շրջաններում 9-20մմ, լեռնային շրջաններում 26-30մմ):

Սյունիքի մարզ

Օդի ամսական միջին ջերմաստիճանը սպասվում է հովտային շրջաններում +27…+28, նախալեռնային շրջաններում’ +18…+20 աստիճան, որը 1-2 աստիճանով բարձր է ամսական միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը հովտային շրջաններում մինչև’ +38…+40, նախալեռնային շրջաններում’ +32…+35 աստիճան, ամսվա երկրորդ կեսին օդի ջերմաստիճանի նվազում’ գիշերը հովտային շրջաններում մինչև’ +13…+15, նախալեռնային շրջաններում’ +5…+10 աստիճան (դիտված պատմական նվազագույնը’ հովտային շրջաններում’ +10…+12, նախալեռնային շրջաններում’ +2…+4 աստիճան, առավելագույնը’ հովտային շրջաններում +41…+42, նախալեռնային շրջաններում’ +35…+36 աստիճան): Ամսական տեղումների քանակը ենթադրվում է նորմայից ավելին (նորման’ հովտային շրջաններում 8-30 մմ, նախալեռնային շրջաններում 15-40 մմ):

2021 թվականի օգոստոս ամսվա կլիմայական բնութագիրը

Հանրապետության տարածքում օգոստոսը երկրորդշոգ ամիսն է, սակայն մի շարք շրջաններում’ Գեղարքունիքի հյուսիսային մասում, Արագածոտնի նախալեռներում, բարձր լեռնային շրջաններում օգոստոսին ջերմաստիճանը փոքր ինչ բարձր է հուլիսյան ջերմաստիճանից: Միջին ամսական ջերմաստիճանը հանրապետությունում 15… 16.7°Շ է, Արարատի, Արմավիրի, Վայոց Ձորի նախալեռներում և Սյունիքի հովիտներում’ 25…26°Շ է: Բացարձակ առավելագույն ջերմաստիճանը այստեղ հասնում Է41…43,7°Շ (43,7°Շ – 2011թ. Մեղրի): Միջինը 25-26 օր ցերեկային ջերմաստիճանը լինում է 30°Շ-ից բարձր, նվազագույն ջերմաստիճանը չի իջնում 8…11°Շ-ից ցածր, մինչև ամառվա վերջը պահպանվում է շոգ և չոր եղանակը: Փոքր ինչ ցածր ջերմաստիճան է գրանցվում Տավուշում, Արագածոտնի նախալեռնային շրջաններում (միջինը’ 18…21°Շ, առավելագույնը’ 37…39°Շ): Հարմարավետ պայմաններ են դիտվում Աոռիում, լեռնային շրջաններում և Սյունիքի նախալեռներում (միջին ջերմաստիճանը’ 15…18°Շ), իսկ օգոստոսի երկրորդ տասնօրյակում միջին օրական ջերմաստիճանը իջնում է մինչև 15°Շ, որը նշանակում է ամռան ավարտ և աշնան սկիզբ, այստեղ բացարձակ նվազագույն ջերմաստիճանը 1941թ. իջել է մինչև -2…-3°Շ:

Ամենաշոգ օգոստոսներ դիտվել են 1949, 1962, 1980, 1989, 2000, 2011, 2015, 2017թթ, երբ օդի ամսական միջին ջերմաստիճանը բարձր է եղել նորմայից 2-3 աստիճանով:

Ամենահով օգոստոսներ դիտվել են 1946, 1967, 1969, 1995, 2009թթ, երբ ամսական միջին ջերմաստիճանը ցածր է եղել նորմայից 2-3 աստիճանով:

Օդի հարաբերական խոնավությունը հանրապետության տարածքում’միջինը կազմում է 70-75%, այն բավական ցածր է Արարատի, Արմավիրի և Վայոց Ձորի մարզերում’ 42-43%: Ինչպես և հուլիսին, կարող են դիտվել խորշակներ, որոնց
հաճախականությունը ավելանում է’ պայմանավորված խոնավության պակասորդի մեծացմամբ և քամու արագության ուժեղացմամբ:

Հանրապետության տարածքում օգոստոսին տեղումների քանակը միջինը կազմում է 34մմ, այսինքն, տարեկան տեղումների 5%: Տեղումները բաշխվում են շատ անհավասարաչափ: Առավելագույն քանակը դիտվում է Աոռիում, Տավուշում’ 40-60մմ, նվազագույնը’ Արարատի, Արմավիրի մարզերում’ 6-11 մմ:

Տարիների 20%-ի ընթացքում Արարատյան դաշտում և Երևանում տեղումներ չեն դիտվել, բայց եղել են տարիներ, երբ այստեղ դրանց քանակը մի քանի անգամ գերազանցել է նորման: Տեղումներով օրերի թիվը ևս բավականին անհամաչափ է բաշխված, հանրապետության տարածքում’ 7-11 օր, Արարատի, Արմավիրի մարզերում, Վայոց Ձորում’ 1-4 օր:

Ամպրոպային գործունեությունը հանրապետության հյուսիսային կեսում հաճախակի է’ միջինը 7-10 օր, առավելագույն’ 15-21օր, մնացած շրջաններում որոշակիորեն պակասում է, միջինը 3-4 օր:

Կարկուտ դիտվում է ոչ ամեն տարի, առանձին տարիներ 4-5 օր կարող է դիտվել կարկուտ:

Այս թեմայով Ինչպիսի եղանակ է սպասվում առաջիկա օրերին Սպասվում է առանց տեղումների եղանակ․ առաջիկա 5 օրվա եղանակի կանխատեսում Ինչպիսի եղանակ է սպասվում առաջիկա օրերին Ի՞նչ եղանակ է սպասվում առաջիկա օրերին Սպասվում է կարճատև անձրև, հնարավոր է՝ ամպրոպ Առանձին շրջաններում սպասվում է կարճատև անձրև Սպասվում է առանց տեղումների եղանակ Ինչպիսի եղանակ է սպասվում առաջիկա օրերին Սպասվում է առանց տեղումների եղանակ Սպասվում է առանց տեղումների եղանակ