Անահիտ Ավանեսյանը բացահայտեց այն, ինչի մասին «համեստորեն լռում» էր Թորոսյանը

Կորոնավիրուսի դեմ պատվաստանյութ ձեռք բերելու համար Հայաստանը համաձայնագիր էր ստորագրել «Covax Facility» համաշխարհային միասնական գնումների հարթակ-հիմնադրամի հետ։ Առողջապահության նախարարությունը հայտնում է, որ նախատեսում է գնել շուրջ 600 հազար դեղաչափ՝ ռիսկային խմբերի մոտ 300 հազար մարդկանց համար` յուրաքանչյուրին երկու դեղաչափ։ Հաղորդվում է, որ պատվաստանյութի ընդհանուր արժեքը մոտավորապես 6 միլիոն 330 հազար դոլար է, մեկ դեղաչափի միջինացված արժեքը` մոտ 11 դոլար, որը կարող է բանակցությունների արդյունքում նվազել։ Փաստորեն, բանակցելով ռուսական, ամերիկայն և չինական ընկերությունների հետ՝ նախկին նախարարի ընտրությունը կանգ առավ հենց այս տարբերակի վրա: Որպեսզի վերջնականապես պարզ լինի, թե ինչու, նշենք, որ 2019 թվականին Թորոսյանը ընտրվել է Գավի հիմնադրամի կառավարման խորհրդի անգամ: Ստացվում է, որ հերթական անգամ նախարարի համար կարևոր են ոչ թե սեփական քաղաքացիների, այլ արևմտյան ֆոնդերի և հիմնադրամների շահերը: Այն ժամանակ նմանատիպ գնումը ներկայացվեց որպես օրվա հրամայական, քանի որ այլ տեղից հնարավոր չէր գտնել նման խմբաքանակի պատվաստանյութ, այն մեզ նվիրաբերել ցանկացողների հերթեր էլ չէին գոյացել: Ահա այդպիսի տպավորություն կարող էր ստեղծվել նախարարության հապճեպ գնումներից հետո:

Հարց է առաջանում, իսկ ինչպե՞ս է ստացվում, որ այսօր Հայաստանին պատվաստանյութ են նվիրաբերում ՌԴ-ն, Չինաստանը, Ֆրանսիան, Լիտվան: Չինաստանը՝ 100 000 դեղաչափ Sinovac ընկերության CoronaVac պատվաստանյութ կնվիրի Հայաստանին: Իհարկե, հասկանալի է, որ դրա հետ մեկտեղ ներքին պահանջարկը բավարարելու նպատակով անհրաժեշտ էր նաև գնել պատվաստանյութ, սակայն, արդյո՞ք իսկապես հնարավոր չէր բանակցությունների միջոցով այն անվճար, որպես օգնություն ստանալ և բյուջեից հսկայական գումարներ խնայել՝ չնվիրելով դրանք Գավիի հիմնադրամին, ինչպես արեց Արսեն Թորոսյանը: Նոր նախարար Անահիտ Ավանեսյանն է այդքան լավ աշխատում՝ անվճար վակցինա բերելով Հայաստան, թե ամեն դեպքում կամա թե ակամա նա բացահայտում է իր նախորդի սուտը, կապված այն բանի հետ, որ օր առաջ անհրաժեշտ է պատվաստանյութ ձեռք բերել արևմտյան հիմնադրամից, քանի որ այլ տարբերակներ պարզապես չկան: Ինչպես տեսնում ենք՝ այդ տարբերակները գտնվեցին նույնիսկ ավելի արագ, քան Հայաստան կհասներ գնված պատվաստանյութի առաջին խմբաքանակը...

Այս թեմայով Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան Չորս գյուղ իրական Հայաստանից դարձավ պատմական Հայաստան․ պատմաբան Կա՞ն մարդիկ, ովքեր ցանկանում են ապրել այնպիսի Հայաստանում, որտեղ չեն ընդունում պատմական Հայաստանը․ Խոջաբաղյան ԵՄ փոխդեսպանին են ներկայացվել մարդու իրավունքների ոլորտում Հայաստանում գնալով ահագնացող խնդիրները Կոչ ենք անում ԵԽ–ին և ԵԱՀԿ-ին՝ դատապարտել խոսքի ազատության ճնշումը Հայաստանում․ EFJ