2018-ից նա պարտվում է ինձ. Եվլոևը խոսել է Արթուր Ալեքսանյանի մասին

Հունահռոմեական ոճի ռուսաստանցի ըմբիշ Մուսա Եվլոևը մեկնաբանել է Տոկիո-2020 Օլիմպիական խաղերի 97 կգ քաշային կարգում Հայաստանի ներկայացուցիչ Արթուր Ալեքսանյանի հետ գոտեմարտից հետո վերջինիս դժգոհությունը մրցավարների նկատմամբ: Եվլոևի խոսքերը ներկայացրել է ՏԱՍՍ-ը։

Հարցին, թե ինչ է մտածում Արթուր Ալեքսանյանի` «պիտի Ռուսաստանից լինես, որ հաղթես» արտահայտության մասին` Եվլոևը պատասխանել է. «Ինչպե՞ս եմ ես վերաբերվում նրա խոսքերին: Չգիտեմ՝ 2018-ից նա պարտվում է ինձ բոլոր մրցաշարերում, որտեղ հանդես ենք գալիս։ Պիտի առաջին հերթին իր մեջ վերլուծություններ անի։ Այսօր նա ոչինչ չարեց ինձ հաղթելու համար: Բայց նա շատ արժանի մրցակից է, նաև դրա շնորհիվ է, որ ես այսօր այս մարզավիճակում եմ: Մենամարտից հետո Արթուրը շնորհավորեց ինձ, մենք շնորհակալություն հայտնեցինք միմյանց մենամարտի համար: Ընդհանրապես մենք նորմալ շփվում ենք, նա լավ տղա է: Մենք լավ հարաբերություններ ունենք, կոնֆլիկտ չկա»։

Նա նշել է, որ միշտ ուզում է մենամարտում ապացուցել, որ ինքն ամենաուժեղն է:

«Ալեքսանյանի դեմ հանդիպումը որքանո՞վ էր կարևոր: Ինձ համար յուրաքանչյուր հանդիպում կարևոր է: Կարևոր չէ՝ վերջնականն է ՝ առաջինը, թե երկրորդը: Ես միշտ ուզում եմ մենամարտում ապացուցել, որ ես ամենաուժեղն եմ: Հեռանալ-չհեռանալը Ալեքսանյանի իրավունքն է: Եթե ​​նա վնասվածք ունի, դա նրա խնդիրն է: Ինձ համար գլխավորը ոսկե մեդալով հեռանալն է այստեղից»,- նշել է մարզիկը:

Այս թեմայով Արթուր Դավթյանը դուրս է եկել Աշխարհի գավաթի խաղարկության եզրափակիչ (տեսանյութ) Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Արթուր Մարտիրոսյանը ներկայացրել է ՀՀ-ում իրականացվող բարեփոխումները Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան Սամվել Ալեքսանյանին պատկանող գործարանում բռնկված հրդեհը մարվել է Ինչպե՞ս կարող է ԶՈւ գաղտնիքը պատգամավորին հասանելի լինել, իսկ 100%-ով պետական մասնաբաժնով ընկերությունները՝ անհասանելի. Ալեքսանյան «Հրապարակ». Երբ եւ որտեղ տեղի կունենա Արթուր Վանեցյանի որդու հարսանիքը Ընդդիմադիր լրատվամիջոցների մի մասը ապրիլի 1 է անում, հետո «կատակները» տանում, հասցնում են միջազգային լրահոս. Ալեքսանյան ՄԻԵԴ-ը նախնական ընդունել է Արթուր Դանիելյանի ու Արմեն Աշոտյանի գործերով գանգատները. փաստաբան