Իշխանությունը գերխնդիր ունի Արթուր Սարգսյանին պահել անազատության մեջ

Վերաքննիչ քրեական դատարանը քիչ առաջ մերժեց Ազգային ժողովի «Հայաստան» խմբակցության պատգամավոր, Սիսիանի նախկին համայնքապետ Արթուր Սարգսյանի կալանավորման դեմ ներկայացված բողոքը։ Այս մասին ԼՈՒՐԵՐ․com-ի հետ զրույցում ասաց Արթուր Սարգսյանի պաշտպան Էմին Խաչատրյանը։

«Իսկզբանե մենք նախանշել էինք, որ այդպես էլ պետք է լինի, մեր պնդումները վերահաստատվեցին և մենք համոզված էինք, որ այլ կերպ չի կարող լինել, որովհետև իրենք գերխնդիր ունեն՝ Արթուր Սարգսյանին պահել անազատության մեջ։ Վերաքննիչ դատարանի որոշումը դեռ չենք ստացել, թեև չեմ կարծում, թե լուրջ պատճառաբանություններ պետք է գտնենք, ամեն դեպքում պետք է ծանոթանանք դրանց, որից հետո պարզ կլինեն մեր հետագա քայլերը բնականաբար Վճռաբեկ դատարան բողոքարկել և այլն»,- նշեց Խաչատրյանը։ 

Խաչատրյանի պնդմամբ պաշտպանական կողմը ծանրակշիռ փաստեր ունի, որոնք վկայում են, որ իր վստահորդն ապօրինի է պահվում անազատության մեջ։

Նա նշեց նաև, որ օրեր առաջ միջնորդություն է ներկայացրել  Գլխավոր դատախազին Արթուր Սարգսյանի պատգամավորական անձեռնմխելիության հետ կապված, որպեսզի նրա խափանման միջոցը փոխվի, սակայն այն ևս մերժվել է․ «Այդ որոշումը ևս պատրաստվում ենք բողոքարկել»,- ասաց պաշտպանը։

Հիշեցնենք՝ հուլիսի 13-ին Գլխավոր դատախազությունը միջնորդություն էր ներկայացրել Կենտրոնական ընտրական հանձնաժողով «Հայաստան» դաշինքի  պատգամավոր Արթուր Սարգսյանին անձեռնմխելիությունից զրկելու համար, հուլիսի 15-ին ԿԸՀ-ն բավարարել էր միջնորդությունը, որից հետո Սարգսյանը ձերբակալվել էր։

Նշենք, որ ըստ Քննչական կոմիտեի` Սարգսյանի դեմ հարուցված քրգործի դեպքն առնչվում է 2016թ. դեկտեմբերին Սիսիանի Էմմա Ասյանի անվան մանկական երաժշտական դպրոց շենքում ջեռուցման համակարգի տեղադրման աշխատանքների իրականացմանը: Քննության տվյալներով՝ գնման մրցույթում առավել ցածր գին առաջարկած մասնակցի փոխարեն հաղթող է ճանաչվել բարձր գին առաջարկած, համայնքի ղեկավարի հետ փոխկապակցված ՍՊԸ-ն։ Ընկերության հետ 2016թ. դեկտեմբերի 27-ին կնքվել է աշխատանքների կատարման գնման պայմանագիրը, իսկ վերջինս էլ նույն օրը ենթակապալի պայմանագիր է կնքել համայնքի ղեկավարի եղբորը պատկանող ՍՊ ընկերության հետ։ Այսպիսով, Սիսիան համայնքին պատճառվել է 3 631 050 դրամի գույքային վնաս:

Արթուր Սարգսյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով, այն է՝ պաշտոնեական լիազորությունները չարաշահելը և 314-րդ հոդվածի 1-ին մասով, այն է՝ պաշտոնեական կեղծիքը։

Այս թեմայով Ադրբեջանն ընդդեմ Հայաստանի գործով լսումներ Հաագայի դատարանում. ՈՒՂԻՂ 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հնարավորության դռները հավերժ չեն կարող բաց մնալ. Էրդողանը սպառնացել է Հայաստանին Ադրինե Ղուկասյանը՝ Վերաքննիչ քրեական դատարանի դատավոր Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վազգեն Սաղաթելյանը կշարունակի կալանավորված մնալ. մերժվել է կալանքի դեմ բողոքը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Չի կարող հայոց զինվորականությունը լուռ մնալ այս կացության առջև, Արցախը կերան, անցել են Տավուշին