Իմ կողմից լիազորությունների չարաշահման հիմքով քրգործի հարուցումը դատախազությունը մերժել է․ Գևորգ Փարսյան

Իմ կողմից լիազորությունների չարաշահման հիմքով քրեական գործի հարուցումը դատախազությունը մերժվել է: Այս մասին ֆեյսբուքյան իր էջում հայտնել է Կապանի համայնքապետ Գևորգ Փարսյանը:

«2021 թվականի հունիսի 6-ին հայկական «Սիվիլնեթ» կայքում հրապարակվեց «Քո գրպանից՝ Կապանի քաղաքապետի հոր գրպանը» վերտառությամբ մի տեսանյութ, որտեղ խոսվում է հնարավոր կոռուպցիոն գործընթացների և շահերի բախման մասին:

Համայնքում սկսեցին տարածվել խոսակցություններ, թե իբր Կապանում անխտիր, բոլոր շինարարական աշխատանքները կատարում է «Նորոգշին» ՍՊԸ-ն և Կապանի համայնքապետարանի կողմից հայտարարվող շինարարական աշխատանքների մրցույթներում հիմնականում նախապատվությունը տրվում է Ռազմիկ Փարսյանին պատկանող «Նորոգշին» ՍՊԸ-ին։

Հիշեցնեք, որ գնումների մասին օրենքի, կառավարության համապատասխան որոշումների համաձայն, համայնքի կարիքների համար հայտարարվող գնումները էլեկտրոնային բաց մրցույթներ են, հետևաբար, դրանց կարող է մասնակցել ցանկացած ընկերություն, բայց 2020թ-ի ընթացքում Կապանի համայնքապետարանի կողմից կազմակերպված շուրջ 150 գնման ընթացակարգում «Նորոգշինը» ընդամենը 6-ին է մասնակցել, որից 1-ը ապրանքների մատակարարման։

Տեսանյութի հիման վրա նույնիսկ դատախազության միջնորդությամբ ոստիկանության Սյունիքի մարզային վարչության Կապանի բաժնում լիազորությունների չարաշահման վերաբերյալ նյութեր են նախապատրաստվել քրեական գործ հարուցելու նպատակով։

Նյութերի նախապատրաստման ընթացքում նախաքննական մարմինը պարզել է, որ Ռազմիկ Փարսյանին պատկանող

«Նորոգշին» ՍՊԸ-ի հետ կնքված, պայմանագրով նախատեսված աշխատանքներից բացի Կապանում իրականացվել և իրականացվում են շատ ավելի շինաշխատանքներ, որոնք չեն ներառվել կատարողական ակտերում։

Նյութերի նախապատրաստման ընթացքում, վեր է հանվել նաև, որ «Նորոգշին»-ՍՊ ընկերության եւ Փարսյանների ընտանիքի կողմից, ի շահ համայնքի մի շարք անհատույց նվիրատվություններ են կատարվել, որոնց մասին դեռ առիթ կունենաք խոսելու:

Այս բոլոր եղելությունների արդյունքում Սյունիքի մարզի դատախազությունից ստացված «Հնարավոր կոռուպցիոն գործընթացներ եւ շահերի բախում Կապանում» տեսանյութի շուրջ նախապատրաստված նյութերով քրեական գործի հարուցումը մերժվել է՝ հանցագործության դեպքի բացակայության հիմքով։

Հարգելի՛ քաղաքացիներ, մի՛ տրվեք կեղծ, անհեթեթ, փուչ խոսակցություններին»,- գրել է Կապանի համայնքապետը։

Այս թեմայով Այդ փորձը պիտանի եղավ հայագիտության բոլոր հիմքերը համակարգված խարխլելու «վեհ գործում». Գևորգ Դանիելյան Գևորգ Պապոյանի գլխավորությամբ կայացել է ՓՄՁ ենթախորհրդի հերթական նիստը Գևորգ Պապոյանն ընդունել է «Ամբեր Կապիտալ» ընկերության ներկայացուցիչներին Գևորգ Պապոյանն ընդունել է Չուն Բյունվոնի գլխավորած պատվիրակությանը Գևորգ Պապոյանը ընդունել է Հարավային Կովկասում Շվեյցարական համագործակցության գրասենյակի տարածաշրջանային տնօրենի տեղակալ Վերներ Թութին Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին Գևորգ Պապոյանը մարտի ընդունել է Համաշխարհային բանկի հայաստանյան գրասենյակի ղեկավարի գլխավորած պատվիրակությանը Գևորգ Պապոյանը մասնակցել է ՀՀ ԿԲ Դիլիջանի ուսումնահետազոտական կենտրոնում տեղի ունեցած խորհրդի նիստին Գևորգ Պապոյանն ընդունել է Արժույթի միջազգային հիմնադրամի հայաստանյան առաքելության ղեկավարի գլխավորած պատվիրակությանը Անկեղծ ասած, հիմա մտածում եմ՝ ակնհայտ է, որ քրեական գործեր ստանալու ենք․ Փաշինյանը՝ Գևորգ Պապոյանին