Տեղի բնակչի վարկով գնած ոչխարներին ադրբեջանցիները հափշտակել են, վարկային կազմակերպությունը պահանջում է վճարել վարկը․ՄԻՊ

Սյունիքի մարզի Տեղ համայնքի բնակիչ Նազիկ Բաղդասարյանի վարկով գնած 120 ոչխարները պատերազմից հետո ադրբեջանական զինծառայողներն այդպես էլ  չեն վերադարձրել, բայց վարկային կազմակերպությունը շարունակում է պահանջել վճարումները։ Այս մասին հայտարարությամբ է հանդես եկել Մարդու իրավունքների պաշտպան Արման Թաթոյանը։

«Չնայած հափշտակված սեփականությունն այլեւս չկա, տիկին Բաղդասարյանը վարկային կազմակերպությանը շարունակում է նույն պայմաններով վճարել գումարը եւ վերջնական մարումների համար դեռ 3 տարի ունի:

Կինն այս պահին անտոկոս վարկ ստանալու հարցում դժվարություններ ունի, քանի որ որդին մեկ ամիս ուշացրել է վճարումը հենց այն ժամանակահատվածում, երբ պատերազմի ժամանակ գտնվել է սահմանին:

Տիկին Բաղդասարյանը Տեղ համայնք իմ այցի ընթացքում տեղեկացրեց, որ հատուցման համար դիմել է ՀՀ Սյունիքի մարզպետարան եւ 120 ոչխարի համար ստացել է ընդամենը 100.000 ՀՀ դրամ հատուցում: Բայց այս հարցերն այնպիսին են, որ համակարգային լուծում են պահանջում:

Ադրբեջանական զինված ուժերի հանցավոր արարքների պատճառով բազմաթիվ մարդիկ են ընկել այսպիսի պատմությունների մեջ:

Մարդիկ զրկվել են սեփականության իրավունքից, եկամուտը վաստակելու հնարավորությունից եւ բախվել են սոցիալական լուրջ խնդիրների: Մենք արձանագրել ենք այս այցի ընթացքում վեր հանված խնդիրները:

Մեր պետությունը պետք է միջազգային հարթակներում նախաձեռնի այնպիսի գործընթացներ, որոնք այս փաստերի օգտագործմամբ հնարավորություն կտան ադրբեջանական իշխանություններին պարտադրել հատուցել մարդկանց՝ նրանց նման խնդիրների առաջ կանգնեցնելու համար:

Մենք, իհարկե, ինչպես սահմանված կարգն է նախատեսում, գրություններ կհասցեագրենք Կառավարություն՝ հասկանալու համար մինչ միջազգային հարթակներում այսպիսի գործընթացի նախաձեռնումը, այդ մարդկանց խնդիրներին անմիջական լուծում տալու հետ կապված դիրքորոշումը: Պատրաստ ենք ցանկացած հարցով համատեղ աշխատանքի»,- նշվում է հայտարարությունում։

Այս թեմայով Վայոց ձորում իրանական համարանիշերով բեռնատարը կողաշրջվել է Երևանի և Կոտայքի մարզի որոշ հասցեներում լույս չի լինի «Հրապարակ». ՔՊ-ականները հիշել են Սյունիքի տեղը Անահիտ Մանասյանը հանդիպումներ է ունեցել Տավուշի մարզի մի շարք բնակավայրերի բնակիչների հետ Սյունիքի մարզում ժայռային հատվածներով անցնող ճանապարհներին քարաթափումներ են լինում Շիրակի մարզի Ախուրյան համայնքի Գետք բնակավայրում փորձարկվելու է շչակ «Դեմ չենք սահմանազատումը սկսել Տավուշի մարզի և Ադրբեջանի Ղազախի շրջանի 4 գյուղերի հատվածներից» Նախազգուշացում է տրվել Գեղարքունիքի մարզի նոտար Քրիստինե Բադալյանին Գազամատակարարման պլանային դադարեցում Լոռու մարզի մի շարք բնակավայրերում Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր