Ինձ համար ավելի հեշտ է հանդիպել Շուշիում նստած ադրբեջանցու, քան Պն-ից որևէ մեկի հետ
ՏեսանյութերՎարչապետ Նիկոլ Փաշինյանն ի վիճակի չէ լուծել անհետ կորած զինծառայողների հարցը։ Այս մասին այսօր՝ օգոստոսի 19-ին, ԱԱԾ-ի դիմաց լրագրողների հետ զրույցում ասաց անհետ կորած զինծառայողի ծնողներից մեկը։
«Պարոն Աբազյանն ու պարոն Սիմոնյանն Արցախում հայտարարեցին, որ մենք մեր հոժար կամքով տեսանք, որ ոչ մեկ չի անում ոչինչ, եկել ենք ու զբաղվում ենք անհայտ կորածներով։ Հունվարի 6-ին Արա Այվազյանը եկել էր Արցախ, բերեցինք հանդիպման, մեզ ասում է՝ ես եկել ու ամեն ինչ անում եմ, ինձնից հարցնում ՝ ո՞ւր են ձեր ցուցակները, ասում եմ՝ ինչ ցուցակ, ասում է՝ անհայտ կորածների, թուղթ էլ չուներ ձեռքին։ Ուղղակի որ բերել էինք, ուզում էր ինչ-որ բան ասել»,- ասաց ծնողներից մեկը։
Նա պատմեց Նիկոլ Փաշինյանի հետ ունեցած հանդիպումների մասին. «Նիկոլ Փաշինյանը ոչ մի հարցի կոնկրետ չի պատասխանում։ Երբ մի քանի անգամ փորձել եմ կոնկրետ հարց տալ, անջատեցին միկրոֆոնը»։