Խախտումներ՝ Իջևանի դենդրոպարկում

Վերջերս Շրջակա միջավայրի նախարարության «Արգելոցապարկային համալիր» ՊՈԱԿ-ի Իջևանի դենդրոպարկի տնօրեն Մ.Սայադյանի կողմից դիմում էր ներկայացվել Վարչապետի աշխատակազմ այն մասին, որ Իջևանի դենդրոպարկի տարածքում չորանում են մի քանի տասնյակ հազվագյուտ տեսակի ծառեր, այդ թվում ՀՀ Կարմիր գրքում գրանցված, նշելով, որ ծառերի չորանալու պատճառը «Իջևանի գինու, կոնյակի գործարան» ՓԲԸ-ի կողմից Աղստև գետի հունի վրա իրականացվող շինարարական աշխատանքներն են, որի հետևանքով ոռոգման ջուրը դենդրոպարկ չի հասնում։

Բնապահպանության և ընդերքի տեսչական մարմին վերահասցեագրված վերոհիշյալ դիմումի հիման վրա հարուցված վարչական վարույթի շրջանակներում իրականացված միջոցառումներով պարզվել է, որ «Կանաչ Սիմֆոնիա» ՍՊԸ-ն, որը հանդիսանում է Իջևանի դենդրոպարկին պատկանող 84946ք.մ. մակերեսով չկառուցապատված հողամասի վարձակալ, հողամասն օգտագործել է պայմանագրի կետերի խախտմամբ. տարածքում կատարելով կառուցապատման աշխատանքներ՝ տեղադրել է թվով 7 տաղավար։

Ընկերությունն Աղստև գետից ջրառն իրականացրել է առանց ջրօգտագործման թույլտվության, ջրառի կետը կահավորված չի եղել ձկնապաշտպան ցանցով և ձկնուղով, տեղանքի զննության պահին ոռոգման առվակներում հայտնաբերվել են կենդանի և արդեն անկած մանրաձկներ։

Տարածքում հայտնաբերվել է նաև ապօրինի հատված թվով 2 հացենի ծառատեսակի կոճղ։

Ընկերությունը ենթարկվել է վարչական պատասխանատվության՝ 450.000 ՀՀ դրամի չափով։

Իսկ Իջևանի դենդրոպարկի հարակից տարածքում գործունեություն իրականացնող «Իջևանի գինու, կոնյակի գործարան» ՓԲԸ-ն անտառային հող հանդիսացող տարածքում իրականացրել է հողային աշխատանքներ, որի հետևանքով առաջացել է հողի դեգրադացիա, հաշվարկվել է 216.418 ՀՀ դրամի չափով շրջակա միջավայրին հասցված վնաս, նշանակվել 350.000 ՀՀ դրամի չափով վարչական տուգանք։

Համապատասխան միջոցներ ձեռնարկելու նպատակով գրություններ են ուղարկվել Շրջակա միջավայրի նախարարություն և Իջևանի քաղաքապետարան։

Այս թեմայով ՄԻՊ արագ արձագանքման խումբը գտնվում է ՀՀ ՆԳՆ ոստիկանության Տավուշի մարզային վարչության Իջևանի բաժնում Ողբերգական դեպք՝ Տավուշի մարզում․ Իջևանի հիվանդանոց է տեղափոխվել 1 ամսական երեխայի դի Ինչո՞ւ են խախտումներ թույլ տված կազմակերպությանը ֆինանսավորում հատկացրել. «Փաստ» Կոպիտ խախտումներ թույլ տված ՀՀ ՔԿ-ում ինքնավար պաշտոն զբաղեցնող 13 անձ ազատվել է պաշտոնից ՀՀ ՔԿ նախագահի հրամանով կարգապահական կոպիտ խախտումներ թույլ տալու համար քննիչն ազատվել է զբաղեցրած պաշտոնից Հատել էին հինգ կանգուն ծառը․ Իջևանի ոստիկանների բացահայտումը Իջևանի ոստիկանները ծառայողական լիազորությունները չարաշահելու դեպք են բացահայտել ՊԵԿ-ն արձանագրել է ապօրինի ձեռնարկատիրական գործունեությամբ զբաղվելու բազմաթիվ խախտումներ 1 մլն 320 000 դրամ, 2450 դոլար և 120 հազար ռուբլի․ թալանել են Իջևանի բանկերից մեկի նախկին ղեկավարին Բազմաթիվ խախտումներ՝ Երևանի շինհրապարակներում. փոշու արտանետումները համառորեն չեն կանխում