Ինչո՞ւ է Մարությանի գործը հակասում Փաշինյանի խոսքին

Երևանի Ֆիզիկայի ինստիտուտին հարակից բնակելի թաղամասում կամ ինչպես բնակիչներն են ասում Ֆիզգորոդոկում, ցանկանում են բարձրահարկ շենք կառուցել, սակայն թաղամասի բնակիչների մի մասը դեմ է այդ կառուցապատմանը, քանի որ, ըստ նրանց, բարձրահարկի կառուցումը կխաթարի թաղամասում տասնյակ տարիների ընթացքում ձևավորված կենսամիջավայրը: Ալիխանյան եղբայրներ 6/1 հասցեում գտնվող, 1976 քմ մակերեսով տարածքի առաջին սեփականատերը (2005թ. փետրվարի 21-ից) եղել է Տիգրան Աղաջանյանը, որի սեփականության իրավունքի գրանցման հիմք է հանդիսացել Աջափնյակ և Դավթաշեն համայնքների առաջին ատյանի դատարանի 2004թ. հոկտեմբերի 25-ի վճիռը: 2006 թվականի ապրիլին Աղաջանյանը իրեն պատկանող տարածքը վաճառել է Անդրանիկ Բալասանյանին: Վերջինս էլ իր հերթին նույն թվականի հոկտեմբերին վաճառել է «Ռատկո» ՍՊԸ-ին:

«Ռատկո» ՍՊԸ-ն հիմնադրվել է 2005 թվականին: Մինչև 2012 թվականը ընկերության 100% բաժնեմասի սեփականատերը եղել է Բահամյան կղզիներում գրանցված «Պրո-Շուգառ Միլլենիում ինկ.» ընկերությունը, որի սեփականատերերը եղել են ռուսաստանաբնակ գործարարներ Վլադիմիր Մկրտումյանն ու Ստեփան Մալխասյանը: Ի դեպ օֆշորում գրանցված «Պրո-Շուգառ Միլլենիում ինկ.»-ի գործակալը «Մոսակ Ֆոնսեկա»-ն է, որտեղից արտահոսել էին հայտնի «Պանամական փաստաթղթերը»: 2012 թվականից «Ռատկո» ՍՊԸ-ի 70% բաժնեմասը անցել է նույն Ստեփան Մալխասյանին, իսկ 30%-ը՝ Ռուսաստանի քաղաքացի Հովհաննես Ջալալյանին: 2017թ. Ջալալյանը իր բաժնեմասը վաճառել է Ռուսաստանի մեկ այլ քաղաքացի Սամվել Իսրայելյանին: Իրավաբանական ընկերությունը, որի փոխտնօրենը Արթուր Մնացականյանն է, ծառայություններ է մատուցել «Ռատկո» ՍՊԸ-ին: Այնուհետև երբ վերջինս իմացել է Ֆիզիկայի ինստիտուտի բանավանում գտնվող տարածքի մասին, իր գործընկեր Վահան Մովսիսյանի հետ որոշել են ներդրում անել և գնել «Ռատկո»-ն՝ հետագայում բազմաբնակարան շենք կառուցելու մտադրությամբ, քանի որ ինչպես ինքն է նշում, շատ է սիրում այդ թաղամասը և այնտեղ նաև հարազատներ ունի ապրող: 2018 թվականից մոտ 134 միլիոն դրամ կանոնադրական կապիտալով ընկերությունում 50-ական տոկոս բաժնեմաս ունեն Արթուր Մնացականյանն ու Վահան Մովսիսյանը:

Այսինքն, այստեղ ուշագրավ է այն հանգամանքը, որ Ռատկո ՍՊԸ-ի այսպես ասած՝ նախապատմությունը գալիս է օֆշորից: Վարչապետ Նիկոլ Փաշինյանը հայտարարում էր, որ պատրաստվում է գնալ օֆշորների հետևից, ստուգել դրանք, բացահայտել և ընդհանրապես հեռու պահել իշխանության մարմինները օֆշորներից: Իհարկե, չենք պնդում, որ այսօր տվյալ ընկերությունը օֆշորի հետ որևէ կապ ունի, ավելին, թերևս՝ չունի, սակայն ժամանակին ունեցել է, և հարց է առաջանում՝ Փաշինյանը կամ Մարությանը գնացել են օֆշորի օֆշորների հետևից, ստուգել և նոր դրանից հետո՞ են կառուցապատման թույլտվություն տվել: Հակառակ դեպքում որոշակի հակասություն է ի հայտ գալիս վարչապետի խոսքերի և քաղաքապետի գործի, ընդունած որոշումների միջև, հատկապես, երբ այդ որոշումը ընդունվում է՝ անտեսելով հանրային պահանջը և բողոքի ձայնը...։

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով