«3-րդ գյուղի գերեզմաններում» հերթական վանդալիզմն է տեղի ունեցել. թալանել են մի քանի գերեզմաններ

Այսօր՝ օգոստոսի 22-ին, SHAMSHYAN.com է դիմել Երևանի բնակիչ Ռիմա Մելիքսեթյանը, ով իր զայրույթն էր հայտնում, որ 2 օր է, չի կարողանում գտնել այն հարցի պատասխանը, թե ինչու են մարդիկ այն աստիճանի չարացել, որ անգամ հանգուցյալներին հանգիստ չեն թողնում:   Երեկ՝ օգոստոսի 21-ին, տիկին Ռիման՝ այցելելով հայրիկի շիրիմին, տեսել է, թե ինչպես են ստահակը կամ ստահակները, գերեզմանի վրայից պոկելու եղանակով գողացել թանկարժեք ծաղկամաններն ու խնկամանը:   Ֆոտոլրագրող Գագիկ Շամշյանի հետ զրույցում տիկին Ռիման ասում էր. «Երեկ հերթական անգամ այցելեցի հայրիկիս գերեզման ու կարկամեցի. ո՞նց կարող է մարդ այն աստիճան ստոր լինի, որ նման արարք կատարի: Մայրս, որ 80-ն անց կին է, երեկ իմացել է այս վանդալիզմի մասին, գամվել է անկողնուն:  

Կատարվածի մասին արդեն տեղեկացրել եմ ոստիկանության Մաշտոցի բաժին, որտեղից մի աշխատակից է եկել, զննել դեպքի վայրը, բայց արդյոք կհայտնաբերվի վանդալիզմի հեղինակը կամ հեղինակները, չգիտեմ: Այսօր իմացա նաև, որ այս գերեզմանատանից, որն ավելի շատ հայտնի է Սիլիկյան թաղամասի գերեզմաններ, նմանատիպ բազմաթիվ գողություններ են տեղի ունեցել: Ստահակներն անգամ երեխայի գերեզմանից են տիկնիկն ու ծաղկեպսակը գողացել: Ոստիկանության ծառայողի գերեզմանն են թալանել ու այդպես մի քանի գերեզմաններ: Ու երբ լսում եմ, որ ոչ մի դեպք չի բացահայտվել, մոտս մտավախություն է առաջանում, որ մեր դեպքում էլ չի հայտնաբերվի ճիվաղը»:   Գերեզմաններում հավաբանար աշխատանքներ կատարող մի տղամարդ էլ ասում էր. «Տնօրենը մեղք չունի, որ գողություններ են կատարվում: Հա էլ կա դա: Տնօրենն ի՞նչ մեղք ունի, որ ժամը 6-ից հետո էստեղ էլ մարդ-մադաթ չկա: Ու դրանից էլ երևի օգտվելով, գալիս ու իրենց սև, անմարդկային գործն անում են»: 

Այս թեմայով Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Հայտնաբերվել է 36 կգ ոսկի ու մի քանի մլրդ դրամ գողություն կատարող կասկածյալներից մեկը Բնակարանային գողություն Մարալիկում. Անիի ոստիկանների բացահայտումը Գեղեցկության սրահից գողություն կատարած երիտասարդները հայտնաբերվել են Որդիների հետ գողություն էին արել երկաթգծի տարածքից՝ պատճառելով 1 միլիոնից ավելի վնաս Որդիների հետ գողություն էին արել երկաթգծի տարածքից՝ պատճառելով 1 միլիոնից ավելի վնաս Դիտահորի կափարիչների գողություն Առինջ գյուղում. Կոտայքի ոստիկանների բացահայտումը Երևանում թալանել են հիվանդին օգնության մեկնող բժշկին՝ շտապօգնության մեքենայից կատարելով գողություն Եգիպտոսում ժայռի մեջ փորագրված եզակի գերեզման է հայտնաբերվել Բացահայտվել է աղմկահարույց բնակարանային գողության դեպք