28 տարի առաջ մենք նպատակային ու պարտադրող էինք. իսկ այսօ՞ր... Սենոր Հասրաթյան

28 տարի առաջ մենք այդպիսինն էինք՝ նպատակային ու պարտադրող. իսկ այսօ՞ր... Մենք պարտավոր ենք նորից վերագտնել մեզ։ Այս մասին ֆեյսբուքյան իր էջում գրել է ՊԲ նախկին խոսնակ Սենոր Հասրաթյանը՝ հիշեցնելով 28 տարի առաջ օգոստոսի 23-ը, երբ հայկական ուժերը ժամերի ընթացքում կոտրեցին հակառակորդի դիմադրությունը եւ վերահսկողության տակ առան Ջեբրայիլ ռազմակայանը։

Նա, մասնավորապես, գրել է․

«Մոտ 40 րոպե հետո կլինի օգոստոսի 23-ը... Ուղիղ 28 տարի առաջ՝ այդ օրը, համաձայն ԼՂՀ Ինքնապաշտպանության կոմիտեի թիվ 011 մարտական հրամանի, Կենտրոնական (Ստեփանակերտի) պաշտպանական շրջանը (հրամանատար՝ Սամվել Կարապետյան) խնդիր ստացավ 4 միավոր տանկերի, 3 հետեւակի մարտական մեքենայի, հրետանային մարտկոցի եւ հակատանկային միջոցների օժանդակությամբ, նախ ազատագրել դեռեւս հակառակորդի վերահսկողության տակ գտնվող Հադրութի շրջանի տարածքները, ապա շարունակել առաջխաղացումը դեպի Ջաբրայիլ:

Մարտական օպերացիայի ընթացքում Ստեփանակերտի զորամասի գործողություններին ձախ թեւից աջակցում էր Հադրութի պաշտպանական շրջանի զինուժի մի մասը, խնդիր ունենալով՝ կանխել հակառակորդի օժանդակ ուժերի մուտքը

Հորադիզ ռազմակայանից դեպի հարավային մարտական գործողությունների գոտի: Առաջադրանքը կատարվեց փայլուն կերպով: Օգոստոսի 23-ին հայկական ուժերն անցնելով գրոհի, հաշված ժամերի ընթացքում կոտրեցին հակառակորդի դիմադրությունը եւ վերահսկողության տակ առան Ջեբրայիլ ռազմակայանը...

28 տարի առաջ մենք այդպիսինն էինք՝ նպատակային ու պարտադրող. իսկ այսօ՞ր... Մենք պարտավոր ենք նորից վերագտնել մեզ...

Հ.գ. Եվ, որպես ամփոփում, մի հետգրություն բոլոր նրանց համար, ովքեր, ինքնախաբեությամբ տարված, պատմությունը դիտարկում են 100 տարվա կտրվածքով. Ջաբրայիլ բնակավայրը մինչեւ 1750 թվականը, Ջրական հայկական անվամբ, մտնում էր պատմական Արցախ նահանգի Դիզակի մելիքության մեջ, որտեղ բնակիչները հայեր էին եւ ունեին պարսկական հպատակությամբ տեղական հայկական ինքնավարություն..․»

Այս թեմայով Սրանք լավատեղյակ լինելով, քանդում ու ավերում են այն ամենը, ինչը կապված է երկրի պաշտպանության հետ. Սենոր Հասրաթյան Նորից ունենալու ենք պատերազմ, այն լինելու է մերը, ոչ թե նրանցը, ովքեր գերադասում են ապրել պարտված. Սենոր Հասրաթյան Տարիներ առաջ ինչքան բանակը «թալանվում», այնքան հզոր ու պաշտպանված էր իրեն զգում Հայրենիքը. Սենոր Հասրաթյան ՊԲ նախկին հրամանատարներից մեկն ասաց՝ պատերազմը հնարավոր էր Շուշիի փոխարեն Ֆիզուլիում եւ Ջաբրայիլում ավարտել. Հասրաթյան 28 տարի առաջ այս օրն Արցախի ԶՈՒ վերահսկողության տակ անցան Ղուբաթլուի շրջանի թշնամական ռազմահենակետերը. Հասրաթյան Արդեն քանի օր է՝ մեկ ջուրն են կտրում, մեկ՝ լույսը, մեկ՝ հեռախոսակապն է աշխատում խաթարումներով. Սենոր Հասրաթյան Ադրբեջանին խելամիտ բանակցությունների դաշտ բերելու համար գոյություն ունի մեկ ճանապարհ. Սենոր Հասրաթյան Իրական խաղաղությունը գալիս է այն դեպքում, երբ դու ունակ ես վերադարձնել այն, ինչը քեզնից խլել է քո հակառակորդը. Հասրաթյան Այո, այս տողերը գրել էի մինչև 2020-ի սեպտեմբերի 27-ը. գրել էի՝ հավատալով. Ավա՜ղ, այսօր ամեն ինչ այլ է. Սենոր Հասրաթյան Մտածող քաղաքացին օր օրի օտարվում է իր բաժին Հայրենիքից. Սենոր Հասրաթյան