ՔՊ-ական նախարարների անցած ուղին. Նարեկ Մկրտչյան

Շարունակելով ընթերցողի ուշադրությանը ներկայացնել՝ կառավարության անդամների անցած ուղին, այսօր կանդրադառնանք աշխատանքի և սոցիալական հարցերի նորանշանակ նախարար Նարեկ Մկրտչյանին:

Մկրտչյանի կենսագրությունը բավական հարուստ է: 2015-2016թթ. եղել է Հայաստանի ամերիկյան համալսարանի դասախոսի օգնական եւ հայոց պատմության դասընթացի համակարգող: 2016 թվականից դասավանդում է Հայաստանի ամերիկյան համալսարանում, 2018թ.՝ ԵՊՀ պատմության ֆակուլտետում: 2018 թվականից համակարգում է Հայաստանի ամերիկյան համալսարանի քաղաքագիտություն եւ միջազգային հարաբերությունների բաժնի Փոքր պետությունների ուսումնասիրման նախաձեռնությունը: Դասախոսել է ԱՄՆ-ի, Գերմանիայի, Ֆրանսիայի, Նորվեգիայի, Իսլանդիայի, Էստոնիայի եւ Վրաստանի հեղինակավոր համալսարաններում եւ գիտահետազոտական կենտրոններում: 2018 թվականի դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի ցուցակով: Մեկ կոլեկտիվ մենագրության եւ հայաստանյան ու միջազգային հեղինակավոր պարբերականներում հրատարակված 14 գիտական հոդվածների հեղինակ է:

Ընթացիկ տարվա ապրիլ ամսին Նարեկ Մկրտչյանը նշանակվեց աշխատանքի և սոցիալական հարցերի նախարարի տեղակալ: Մեսրոպ Առաքելյանի՝ պաշտոնը լքելուց հետո հենց Մկրտչյանն է դե ֆակտո գլխավորել գերատեսչությունը և նրա նախաձեռնությամբ կյանքի են կոչվել մի շարք ծրագրեր, որոնցից կարող ենք առանձնացնել ՝ հայրենադարձված գերիների համար սոցիալական աջակցության, սոցիալական բնակարաշինություն ծրագրերը: Բացի այդ  կառավարության հավանությանն էր ներկայացվել ծրագիր, որով նախատեսվում է պետական աջակցություն տրամադրել՝ ռազմական գործողությունների հետևանքով վիրավորում և հաշմանդամություն ստացած նախկին զինծառայողներին աշխատանքի ընդունող գործատուներին։ Նախարարության մշակած մեկ այլ ծրագրով՝ 44-օրյա ատերազմի մասնակից 100 զինծառայող մասնագիտական ուսուցում կստանա և աշխատանքով կապահովվի: Մկրտչյանի ղեկավարած գերատեսչությունը նաև  հանդես է եկել նախաձեռնությամբ, որով 2022թ․ հունվարի 1-ից նախատեսվում է երրորդ և հաջորդ յուրաքանչյուր երեխայի ծննդյան դեպքում՝ ամսական 50,000 աջակցություն տրամադրել մինչև երեխայի 6 տարեկան դառնալը։ 

Ինչպես հասկանում ենք՝ այսուհետ ևս նախարարության ուշադրության կենտրոնում են լինելու հատկապես ռազմական գործողությունների մասնակիցների սոցիալական պայմանների բարելավմանը, սոցիալական բնակարանաշինության աշխուժացմանը և ծնելիության խթանմանն ուղղված նախագծերը:

Այս թեմայով Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին Նարեկ Ադամյանը նշանակվել է «Հայաստանի հեռուստատեսային և ռադիոհաղորդիչ ցանց» ՓԲԸ տնօրեն Անհանդուրժող ենք լինելու համակարգում կոռուպցիոն որևէ դրսևորման հանդեպ․ ՆԳ նախարար «Ժողովուրդ». Օրինապահից դեպի «բարձր ռիսկային խումբ» մեկ քայլ է Պացիենտն ինքը կորոշի՝ որ ԲԿ-ում հետազոտվի, պետբյուջեի գումարները ՊՎԾ-ի հետ վերահսկում ենք․ նախարար Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Արմեն Գրիգորյանը և Ֆինլանդիայի ԱԳ նախարար քննարկել են ՀՀ-ԵՄ հարաբերություններին առնչվող հարցեր Արշակ Կարապետյանին բոլորս սպասում ենք Հայաստանում. Արշա՜կ, տու՜ն արի. Անդրանիկ Քոչարյան