«ՊՍԺ»-ն որոշում է կայացրել՝ ով կփոխարինի Մբապպեին
ՍպորտՖրանսիական «Պարի Սեն Ժերմեն» ֆուտբոլային ակումբը նոր պայմանագիր է առաջարկել հարձակվող Կիլիան Մբապպային: Մերժման դեպքում՝ փարիզցիներն արդեն որոշել են՝ ով կփոխարինի ֆրանսիացուն, հայտնում է RMC Sport ռադիոկայանը:
Աղբյուրի փոխանցմամբ՝ «5+1» սխեմայով աշխարհի 22-ամյա չեմպիոնի նոր պայմանագրով՝ նախատեսում է թիմում երրորդ ամենաբարձր աշխատավարձը վճարել նրան (Լիոնել Մեսսիից և Նեյմարից հետո):
Մբապպեին չի բավարարել ակումբի առաջարկը, ինչի մասին նա տեղեկացրել է փարիզյան մարզական տնօրեն Լեոնարդոյին:
Այնուամենայնիվ, աղբյուրը կասկածում է, որ «ՊՍԺ»-ն և իսպանական «Ռեալը», որոնց նրանք համարում են խաղացողի հիմնական հավակնորդ, ժամանակ կունենան համաձայնության գալ տրանսֆերի շուրջ մինչև ամառային պատուհանի փակվելը: Նշվում է, որ վերջին շաբաթներին «ՊՍԺ»-ն առաջարկ չի ստացել «Ռեալից» և կապ է հաստատել միայն անգլիական անանուն ակումբի հետ:
Մբապպեի հեռանալու դեպքում՝ «ՊՍԺ»-ն պայմանագիր կկնքի «Էվերթոնի» հարձակվող Ռիշարլիսոնի հետ: Մբապպեի հետ պայմանագիրը ուժի մեջ է մինչև 2022 թվականի ամառ:
Վերջերս Esquire ամսագրին տված հարցազրույցում Մբապպեն հայտարարել էր, որ իրեն աստղ է զգում:
«Եթե ձեր դեմքը ամենուր է քաղաքում, աշխարհի ցանկացած վայրում, դա նշանակում է, որ դուք աստղ եք: Աստղ լինելը կարգավիճակ է, բայց դա ինձ ավելի լավը չի դարձնում, քան մյուսներն են», - ասել է ֆուտբոլիստը: