Երևանի քաղաքապետարանը «ֆիզգորոդոկի» հատվածում շինարարությունը կասեցնելու լիազորություն չունի

 Երևանի քաղաքապետարանը Ալիխանյան եղբայրներ փողոցի 6/1 հասցեում (հայտնի է որպես «ֆիզգորոդոկ») 12-հարկանի շենքի կառուցման շինարարությունը կասեցնելու լիազորություններ չունի:

«Ֆեյսբուքի» իր էջում այս մասին գրել է քաղաքապետի մամուլի խոսնակ Հակոբ Կարապետյանը:

«Հողը սեփականաշնորհվել է 2004 թվականին: Երևանի քաղաքապետարանը իրավական հնարավորություն և լիազորություն չունի չեղարկելու սեփականաշնորհման որոշումը: Այդ տարածքում արդեն տրված է եղել 12-հարկանի շենքի շինթույլտվություն 2007 և 2012 թվականներին: 2019-ին քաղաքապետարանը մերժել է նախկին շինթույլտվության երկարացումը և պահանջել կառուցապատողից՝ կրկին անցնել բոլոր փորձաքննությունները, քաղաքապետարանն էլ կազմակերպել է հանրային լսում»,- նշել է Կարապետյանը և հավելել, որ այդ ժամանակ քաղաքապետը պահանջել է, որ նախագիծը ներկայացվի Քաղշինխորհուրդ` հեղինակավոր ճարտարապետների գնահատմանը, և քվեարկությամբ գրեթե «միաձայն» նախագիծն ընդունվել է:

Նա ընդգծել է նաև, որ ԿԳՄՍ նախարարությունը 2021-ի փետրվարին հայտնել է, որ ճանաչել է «ֆիզգորոդոկի» տարածքը որպես նորահայտ հուշարձան, այնուհետև, 2021-ի մայիսին, հանել Ալիխանյան 6/1-ի հողակտորը այդ տարածքից:

«2021-ի հուլիսին քաղաքապետարանը տվել է շինթույլտվություն: Քաղաքապետարանը պարտավոր է տալ շինթույլտվություն, եթե նախագիծը համապատասխանում է բոլոր նորմերին, և տարածքը ընդգրկված չէ հուշարձանների ցանկում: Բնակիչները դիմել են դատարան՝ վիճարկելու կառուցապատումը, դատարանը վարույթ է ընդունել գործը, բայց չի կասեցրել շինարարությունը: Միակ մարմինը, որը կարող է կասեցնել շինարարությունը, դատարանն է, քաղաքապետարանը տվյալ պայմաններում այդպիսի լիազորություն չունի»,- գրել է Հակոբ Կարապետյանը:

Այս թեմայով Կարմիր բերետավորներն առևանգում են թաղամասի բնակիչներին. «Ֆիզգորոդոկ Երևան» Բնակիչները փորձել են դիմադրել Ֆիզգորոդոկում վերսկսված շինաշխատանքներին, բայց 2 քաղաքացի բերման է ենթարկվել Այցից հետո մինչ այս պահը Ֆիզգորոդոկի շինհրապարակում աշխատանքները դադարեցված են Քաղաքապետարանի առջև բողոքի ակցիա իրականցնող Ֆիզգորոդոկի բնակիչներից չորսը բերման են ենթարկվել «Ֆիզգորոդոկում» 20-օրյա հացադուլից հետո Հայկ Հարությունյանը հայտարարել է նաև ջրադուլ Հենց հիմա ջարդում ու վերացնում են ծառերը, կանաչ տարածքը․ ահազանգում են ֆիզգորոդոկից Ֆիզգորոդոկի երկու աշխատակից հացադուլ են հայտարարել․ որևէ պաշտոնյա նրանց չի այցելել Առանց ծանուցելու, ոստիկանների ներկայությամբ մեքենաս տեղափոխել են, սա առևանգում է. «Ֆիզգորոդոկի» բնակիչ Ֆիզգորոդոկում մայթը գրավել են ու ոստիկաններին բերել մեզ ահաբեկելու. քաղաքացի Շենքի կառուցումը կասեցվել է. քաղաքապետարանում հանդիպում է ընթանում բնակիչների հետ