«Սալյարկա և զինվորի հաց» գողացող քանի՞ նախկին պաշտոնյա հայտնաբերվեց նոր Հայաստանում

Այսօր ԱԺ՝ մարտաֆիլմ հիշեցնող նիստի ընթացքում և դրա կուլիսներում կրկին խոսվեց՝ նախկինում բանակում առկա թալանի մասին: Իշխանական պատգամավորները անուղղակիորեն նախկիններին մեղադրեցին զինված ուժերը թալանելու և կազմաքանդելու մեջ, ինչը լուրջ կրքերի բորբոքման առիթ տվեց: Սակայն, այստեղ ուշագրավ է այն հանգամանքը, որ վերջին երեք տարիների ընթացքում Նիկոլ Փաշինյանը բազմիցս է հանդես եկել՝ հասցեական և ոչ այնքան հասցեական մեղադրանքներով՝ ուղղված բանակը այսպես կոչված թալանածների դեմ: Մինչդեռ երեք տարի անց էլ չկա գեթ մեկ պաշտոնյա, ով պատժված կլիներ ՀՀ զինված ուժերում ծավալած թալանի համար:

Ահա Փաշինյանի խոսքերը՝ ասված հանրահավաքներից մեկի ժամանակ՝ «Այդ քայքայված հակաօդային պաշտպանության համակարգո՞վ էիք Արցախը պահում: Այդ որ մեր զինվորներին տալիս էիք սնունդ, որի ամենալավ կիրառությունը գտել էր Մանվել Գրիգորյանը իր արջերին ու շներին կերակրելու համար: Այդ արջերի ու շների համար նախատեսված ուտելիքներո՞վ էիք մեր զինվորին պահում, որ իրենք էլ Արցա՞խը պահեին»: 

Քանի՞ պաշտոնյա ձերբակալվեց քայքայված հակաօդային պաշտպանության համակարգեր ձեռք բերելու համար: Ապացուցվե՞ց գեներալ Մանվել Գրիգորյանի կապը հայտնի տուշոնկաների հետ՝ իհարկե, ոչ:

Մեկ տարի առաջ Նիկոլ Փաշինյանը հայտարարել էր, թե նախկին իշխանությունները 42 միլիոն դոլարի անպիտան զենքի են գնել։ «Դա զենք էլ չէ, դա անհասկանալի է: Հիմա քրեական գործ է հարուցված, թող Սերժ Սարգսյանը գա սրա պատասխանը տա»,- ասել էր Հայաստանի վարչապետը։ Սերժ Սարգսյանը անդրադարձել է այս սկանդալային գործի ընթացքին։ Ասում է՝ ոչ միայն պատասխան չի տվել, այլ մինչ օրս գեթ մեկ անգամ հարցաքննության չեն կանչել, անգամ ինքն է զարմացած։ Հարց է առաջանում, իսկ ինչո՞ւ Սարգսյանին մինչ օրս չեն հարցաքննել, եթե Փաշինյանը թիրախային մեղադրանք  է հնչեցնում հենց վերջինիս հասցեին:

30 տարի ասում էին՝ սալյարկա, սիլիտրա ենք բաժանում ժողովրդին, կեսը ճանապարհին կորում էր՝ սրանք նույնպես Փաշինյանի խոսքերն են: Քանի՞ սիլիտրա թալանած նախկին զինվորական է հայտնաբերվել և պատժվել:

Ստացվում է, որ այս իշխանությունները կամ չեն կարողանում ապացուցել իրենց իսկ կողմից առաջ քաշված՝ բանակի թալանի մասին մեղադրանքները, կամ մեղադրանքներից այն կողմ գործը չգիտես ինչու չի հասնում...

Այս թեմայով Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ)