28 տարի առաջ այս օրն Արցախի ԶՈՒ վերահսկողության տակ անցան Ղուբաթլուի շրջանի թշնամական ռազմահենակետերը. Հասրաթյան

Ուղիղ 28 տարի առաջ՝ 1993թ. օգոստոսի 31-ին Արցախի զինված ուժերի վերահսկողության տակ ընկան Ղուբաթլուի շրջանում տեղակայված թշնամական ռազմահենակետերը: Այս մասին ֆեյսբուքյան իր էջում գրել է Արցախի ՊԲ մամուլի նախկին քարտուղար Սենոր Հասրաթյանը:

«Այդ գործողությունից անմիջապես հետո թուրքական 3-րդ դաշտային բանակի 12-րդ և 13-րդ մեքենայացված բրիգադներն առաջ շարժվեցին դեպի Գյումրիում տեղակայված ռուսական 127-րդ մոտոհրաձգային դիվիզիայի պահպանության հատված, ինչպես նաև մարտական պատրաստականության «Բարձր» մակարդակի բերվեցին ավիացիոն զորամասերը:

Ի պատսխան դրան, ՌԴ զինված ուժերի Անդրկովկասյան ռազմական օկրուգի հրամանատարությունը 127-րդ դիվիզիայի հետ սկսեց հրամանատարա-շտաբային զորավարժություններ:

Նույն ժամանակ Իրանը «Լրիվ» մարտական պատրաստականության բերեց սահմանի երկայքով տեղաբաշխված իր ռազմական խմբավորումը և մարտագծին հարակից տարածքում անցավ «Մոխանդ» պայմանական անվամբ արտապլանային զորավարժությունների անցկացմանը:

Ստեղծված ռազմաքաղաքական պայմաններում, երբ ադրբեջանա-արցախյան հակամարտության ֆոնին ուրվագծվում էր տարածաշրջանային պետությունների հավանական ներգրավման հնարավորությունը, Ռուսաստանի Դաշնության նախաձեռնությամբ Ադրբեջանի, Հայաստանի և Արցախի ներկայացուցիչները հրավիրվեցին բանակցային սեղանի շուրջ: Հակամարտող կողմերի, այն է՝ Բաքվի և Ստեփանակերտի միջև ստորագրվեց համաձայնագիր, համաձայն որի՝ պայմանավորվածություն ձեռքբերվեց օգոստոսի 31-ի ժամը 17.00-ից տասնօրյա ժամկետով շփման գծում դադարեցնել կրակը և մինչև սեպտեմբերի 10-ը կազմակերպել Ադրբեջանի ու Արցախի բարձր ղեկավարների հանդիպում:

Դրանից մոտ 27 տարի հետո մենք ստիպված էինք կորցնել ռազմավարական կարևոր նշանակության նույն այն բնագծերը, որոնք նվաճվել էին ուղիղ 28 տարի առաջ՝ հայ զինվորի հերոսական մաքառումների գնով:

Այն ժամանակ մենք պարտադրող էինք, իսկ այսօր՝ կատարող:

Եվ ամենագլխավորը՝ այն ժամանակ, ինչպես տարածաշրջանային հիմնական դերակատարները, այնպես էլ մենք, գիտեինք մեր անելիքը, իսկ այսօ՞ր: Այսօր էլ հիմնական դերակատարները գիտեն իրենց անելիքը, իսկ մե՞նք»,- գրել է Հասրաթյանը:

Այս թեմայով Սրանք լավատեղյակ լինելով, քանդում ու ավերում են այն ամենը, ինչը կապված է երկրի պաշտպանության հետ. Սենոր Հասրաթյան Նորից ունենալու ենք պատերազմ, այն լինելու է մերը, ոչ թե նրանցը, ովքեր գերադասում են ապրել պարտված. Սենոր Հասրաթյան Տարիներ առաջ ինչքան բանակը «թալանվում», այնքան հզոր ու պաշտպանված էր իրեն զգում Հայրենիքը. Սենոր Հասրաթյան ՊԲ նախկին հրամանատարներից մեկն ասաց՝ պատերազմը հնարավոր էր Շուշիի փոխարեն Ֆիզուլիում եւ Ջաբրայիլում ավարտել. Հասրաթյան Արդեն քանի օր է՝ մեկ ջուրն են կտրում, մեկ՝ լույսը, մեկ՝ հեռախոսակապն է աշխատում խաթարումներով. Սենոր Հասրաթյան 28 տարի առաջ մենք նպատակային ու պարտադրող էինք. իսկ այսօ՞ր... Սենոր Հասրաթյան Ադրբեջանին խելամիտ բանակցությունների դաշտ բերելու համար գոյություն ունի մեկ ճանապարհ. Սենոր Հասրաթյան Իրական խաղաղությունը գալիս է այն դեպքում, երբ դու ունակ ես վերադարձնել այն, ինչը քեզնից խլել է քո հակառակորդը. Հասրաթյան Այո, այս տողերը գրել էի մինչև 2020-ի սեպտեմբերի 27-ը. գրել էի՝ հավատալով. Ավա՜ղ, այսօր ամեն ինչ այլ է. Սենոր Հասրաթյան Մտածող քաղաքացին օր օրի օտարվում է իր բաժին Հայրենիքից. Սենոր Հասրաթյան