ԱՄՆ-ում հայտնի բլոգերին մահացած են գտել (լուսանկարներ)
ԼուսանկարներԲլոգեր և մոդել Ջեն Գանենին մահացած են գտել Տեխաս նահանգի Ռիչմոնդ քաղաքում գտնվող իր սեփական տանը: Այս մասին օգոստոսի 31 -ին հայտարարել է ABC13 հեռուստաալիքը: Նրանից բացի, տանը եղել է 34-ամյա Քևին Ալեքսանդր Ակորտոյի մարմինը:
Նշվում է, որ միջադեպը տեղի է ունեցել կիրակի` օգոստոսի 29 -ին: Իրավապահ մարմինները ենթադրում են, որ տղամարդը կարող է նախ սպանած լինել 33-ամյա բլոգերին, ապա ինքնասպան լինել:
Մահվան պաշտոնական պատճառը չի բացահայտվում, կատարվում է հետաքննություն:
Ոստիկանությունը պարզաբանել է, որ չի հավատում, որ Գանեն և Ակորտոն հարաբերություններ են ունեցել:
Միեւնույն ժամանակ, Ջենի հարեւանը բնակելի համալիրն անվանել է հանգիստ եւ ապահով:
«Ես շատ կզարմանայի, եթե իմանայի, որ դրսից հայտնվել են այստեղ և ներխուժել տուն: Չեմ կարծում, որ դա կարող է պատահել», - ասել է նա լրագրողներին:
Instagram-ում Գանենին հետևում է ավելի քան 2,6 միլիոն մարդ: Նա իր միկրոբլոգում հիմնականում տեղադրում էր անկեղծ լուսանկարներ: