Արցախի Մաճկալաշեն համայնքի բնակչին ադրբեջանցիները ազգային ատելության շարժառիթով խոշտանգել են․ Արցախի գլխավոր դատախազություն

Արցախի գլխավոր դատախազությունը հայտնել է հուլիսի 26-ին Ադրբեջանի ԶՈՒ վերահսկողության տակ գտնվող տարածքում հայտնված, ապա հայկական կողմին վերադարձված՝ Արցախի Մարտունու շրջանի Մաճկալաշեն համայնքի բնակչի նկատմամբ ադրբեջանցիների խոշտանգումների մասին։

«Ինչպես արդեն հրապարակվել էր, սույն թվականի հուլիսի 26-ին ԱՀ Մարտունու շրջանի Մաճկալաշեն համայնքի բնակիչ, հոգեթմրաբանական դիսպանսերում հաշվառված` 1989թ. ծնված Ա.Մ.-ն կորած անասուններին որոնելու ընթացքում մոլորվելու հետևանքով հայտնվել էր Ադրբեջանի զինված ուժերի վերահսկողության տակ, որից ժամեր անց խաղաղապահ ուժերի միջամտությամբ վերադարձվել էր արցախյան կողմին:

Դեպքի առթիվ ԱՀ ներքին գործերի նախարարության ոստիկանության կողմից իրականացված դատավարական ստուգման շրջանակում նշանակվել էր դատաբժշկական փորձաքննություն, որի եզրակացությամբ փաստվել է քաղաքացի Ա.Մ.-ի ծոծրակային, ճակատաքունքային մասերում, դեմքին, քթի մեջքի ու ականջախեցիների, աջ բազկի, ձախ արմնկային հոդի, աջ նախաբազկի, կրծքավանդակի աջ կեսի կողմնային հատվածում, աջ թուլակողի, ձախ սրունքի շրջաններում դեպքի հանգամանքներին ու վաղեմությանը համընկնող բազմաթիվ մարմնական վնասվածքների առկայությունը:

Փաստի առթիվ ԱՀ ներքին գործերի նախարարության ոստիկանության կողմից 26.08.2021թ. հարուցվել է քրեական գործ ԱՀ քրեական օրենսգրքի 118-րդ հոդվածի 2-րդ մասի 7-րդ կետով նախատեսված հանցագործության հատկանիշներով (խոշտանգում, որը կատարվել է ազգային ատելության շարժառիթով):

Կատարվում է հետաքննություն», - հայտնել է Արցախի գլխավոր դատախազությունը։

Այս թեմայով Հայաստանում Շվեդիայի դեսպան Պատրիկ Սվենսոնն այցելել է Սևան համայնք Ինչպե՞ս ես ուկրաինական կոնֆլիկտում կողմնակալ լինում, երբ երկու կողմում էլ ունես ունես հայ համայնք Պահ-պահ, էս ի՞նչ մեծ զալ ա, հսկայական տարածք ա. Փաշինյանն այցելել է Լոռի Բերդ համայնք ԱՄՆ դեսպանն այցելել է Տեղ համայնք, ականատես եղել սահմանին տիրող լարված իրավիճակին Միջնորդություն է ներկայացվել Լեռնաձոր համայնք՝ պատճառված վնասը վերականգնելու նպատակով իրավական գործընթաց սկսելու համար Մարտի 26-ին Անի համայնքում կանցկացվեն արտահերթ ընտրություններ Կոչ ենք անում Վրաստանին համարձակվել դատապարտել ստոր քայլը 120.000 անմեղ բնակչության դեմ․ Վրաստանի հայ համայնք Վայոց ձորի մարզպետն ու ՀՀ-ում Ճապոնիայի դեսպանն այցելել են Վայք համայնք Բերդի համայնքապետ ընտրվեց «Զորավոր համայնք» դաշինքի թեկնածու Աստղիկ Հակոբյանը Ասկերանի Իվանյան համայնքում շարունակվում են նոր թաղամասի կառուցապատման աշխատանքները