Մայր բուհում ձեզ սպասում են նոր ծանոթություններ, նոր գիտելիքներ. Հովհաննես Հովհաննիսյան

ԵՊՀ ռեկտորի պաշտոնակատար Հովհաննես Հովհաննիսյանը Ֆեյսբուքի իր էջում գրառում է կատարել՝ շնորհավորելով համալսարանականներին նոր ուսումնական տարվա առիթով: 

«Սիրելի´ համալսարանականներ,

նոր ուսումնական տարվան ընդառաջ Երևանի պետական համալսարանը ջերմորեն ողջունում է կրթության և գիտության հաջողությունների վաղվա օրը կերտողներիդ: Մայր բուհում ձեզ սպասում են նոր ծանոթություններ, նոր գիտելիքներ և նոր մարտահրավերներ։

Վստահ եմ՝ «համալսարանական» պարտավորեցնող կոչումը ստանձնելու եք մեծ պատասխանատվությամբ և պատվով եք ներկայացնելու Երևանի պետական համալսարանը մեր հայրենիքում և դրա սահմաններից դուրս։ Որակյալ կրթություն ստանալու մրցապայքարը ժամանակակից աշխարհում թևակոխում է նոր փուլ։ Երևանի պետական համալսարանն իր պրոֆեսորադասախոսական կազմով ու բարեփոխումների նոր ծրագրով պատրաստ է ձեզ ապահովելու մրցունակ գիտելիքներով, ստեղծագործ միջավայրով և որակյալ կրթությամբ։

Ուսումնառությունը բարդ ու տքնաջան աշխատանք է, որը ձեզանից պահանջելու է համալսարանականին բնորոշ էթիկա, համագործակցային մթնոլորտ և պատասխանատվության բարձր զգացում։ Մեր երկրին պատուհասած համավարակի ու պատերազմի պայմաններում մայր բուհի պրոֆեսորադասախոսական կազմն ու ուսանողները հսկայական անելիքներ ունեն նոր մարտահրավերներին արդյունավետ դիմակայելու և անցյալի սխալները թույլ չտալու համար։

Որակյալ կրթությունը, առաջադեմ գիտական միտքը և կարգապահությունն են այն զենքերը, որոնցով մենք պայքարելու ենք նորօրյա արհավիրքների դեմ, և վստահ եմ՝ հաջողելու ենք ու հաղթանակած ենք դուրս գալու այս պայքարից։ Սիրելի´ համալսարանականներ, սեպտեմբերի 1-ին յուրաքանչյուրս պետք է մուտք գործենք մայր բուհ մեր հայրենիքի, համալսարանի ու մեր առջև դրված խնդիրների լուծման բարձր գիտակցումով ու պատասխանատվությամբ։

Երևանի պետական համալսարանում առկա են բարձրորակ կրթության և արդյունավետ հետազոտական աշխատանքի իրականացման համար լավագույն պայմաններ, մարզամշակութային բազմազան միջոցառումներ կազմակերպելու լայն հնարավորություններ:

ԵՊՀ-ն մեր երկրի բարձրագույն կրթության համակարգում առաջատարի իր դիրքն ապահովում է արհեստավարժ պրոֆեսորադասախոսական կազմի և ջանասեր ուսանողների շնորհիվ: Նոր ուսումնական տարվա առթիվ շնորհավորում եմ բոլոր համալսարանականներին, մաղթում բազում ձեռքբերումներ և հաջողություններ ուսումնական տարվա ու հետագա գիտահետազոտական գործունեության ընթացքում»,- գրել է Հովհաննիսյանը:

Այս թեմայով 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան Որպեսզի Երևանի փողոցներում հարյուր հազարներով մարդիկ կանգնեն կողքիդ, պետք է ասել, թե ինչ պետք է անել. Հովհաննիսյան Ինչպես են ձևավորվում Դեր Զորի ճանապարհը և Լաչինի միջանցքը․ Վահե Հովհաննիսյան Մեր պետությունը մեծ դրեյֆի մեջ է, պատկերացրեք՝ բաց ծովում ինքն իրենից անկախ գնում է․ Հովհաննիսյան «Արցախի հանձնման մասին էլ ... չի խառնվել»․ Նազենի Հովհաննիսյանը՝ Տիգրան Մանսուրյանի հարցազրույցի մասին Ամսի 5-ին հայ ժողովրդին կառաջարկվի արևմտյան կոնֆետ՝ Ռուսաստանի և Իրանի հանդեպ «սառնության» դիմաց. Վահե Հովհաննիսյան Շահրամանյան Սամվելը դրսևորում է գործակալական պահվածք, ինչը պետք է գրավի համապատասխան կառույցների խիստ ուշադրությունը. Հովհաննիսյան Սա 4 գյուղի խնդիր չէ, սա մեկ հոգու խնդիր է, որը դեֆորմացրել է պետությունը․ Վահե Հովհաննիսյան