Որպես անհայտ որոնվող 19-ամյա երիտասարդի դին հայտնաբերվել է Ջրվեժ գյուղի գերեզմանատանը. գտնվել է երկտող՝ ուղղված իրեն հարազատ մարդկանց

SHAMSHYAN.com-ի տեղեկություններով, ոստիկանության Կոտայքի մարզային վարչության տարածքային բաժիններից մեկում նյութեր են նախապատրաստվում սեպտեմբերի 2-ին Ջրվեժ գյուղի վերջնամասում գտնվող գերեզմանատանը 19-ամյա Սալիմ Դ.-ի դիակի հայտնաբերման փաստով:
 
Ինչպես հայտնում է ֆոտոլրագրող Գագիկ Շամշյանը, այս տարվա օգոստոսի 28-ին Սալիմ Դ.-ի հարազատները դիմել էին ոստիկանություն և հայտնել, որ նա դուրս է եկել տանից և այլևս չի վերադարձել:
 
Նրան հայտնաբերելու ուղղությամբ ոստիկանության տարածքային բաժնում սկսել էին որոնողական աշխատանքներ:

Սեպտեմբերի 2-ին նշված գերեզմանոցի ցանկապատերի միջնամասում հայտնաբերվում է Սալիմ Դ.-ի դին՝ խիստ նեխած, քայքայված, կրծքավանդակի, պարանոցի և գլխի շրջանի հյուսվածքները մերկացած վիճակում:

Դեպքի վայր են ժամանել Կոտայքի մարզի ոստիկանապետը, տարածքային բաժնի պետն ու ավագ հետաքննիչը:
 
Ժամանել են նաև փորձաքրեագետն ու դատաբժիշկը:
 
Ոստիկանները դեպքի վայրի զննության ժամանակ դիակի հարակից տարածքում հայտնաբերել են մի քանի անուն հոգեմետ դեղերի փաթեթներ, որոնց մեջ եղած դեղահաբերի մեծամասնությունը բացակայել է:
 
Հայտնաբերվել է նաև տետրի թերթի վրա ռուսերեն լեզվով երկտող. «Ինձ հարազատ մարդիկ, իմ մահը, դա իմ գիտակցված ընտրությունն է, իմ ընտրության վրա ոչինչ և ոչ ոք չի ազդել, ինձ այլևս որևէ տեղ և երբևէ չի լինի»:
 
Փաստի առթիվ ավագ հետաքննիչի կողմից նյութերի նախապատրաստական ընթացքում նշանակվել են մի շարք փորձաքննություններ, այդ թվում՝ դիակի դատաբժշկական:

Այս թեմայով Առեղծվածային դեպք՝ Կոտայքի մարզում. հայտնաբերվել է տղամարդու կախված մարմին Առեղծվածային դեպք՝ Օշական գյուղում Ողբերգական դեպք՝ Ջրվեժում. հայտնաբերվել է տղամարդու կիսաայրված մարմին Ողբերգական ու առեղծվածային դեպք՝ Երևանում Քարի հանքում էքսկավատորն աշխատանքներ կատարելիս հայտնաբերել է տղամարդու մարմին Հայտնաբերվել է 54-ամյա տղամարդու դի Փրկարարները Սևանա լճից դուրս են բերել ջրահեղձ եղած 36-ամյա տղամարդու դի Երևանում ՌԴ քաղաքացին ընկել է նորակառույց շենքից ու մահացել Սպանություն՝ Աբովյանում․ հայտնաբերվել է իրանցի տղամարդու դի Բագրևանդ-Ձորաղբյուր ավտոճանապարհին հայտնաբերվել է գազատար խողովակից կախված տղամարդու դի