Գերմանիայի հավաքականի գլխավոր մարզիչը խոսել է Հայաստանի հավաքականի, Մխիթարյանի ու Ադամյանի մասին

Գերմանիայի հավաքականի նորանշանակ գլխավոր մարզիչ Հանս-Դիտեր Ֆլիկը նախախաղային ասուլիսում խոսել է Հայաստանի ազգային թիմի դեմ աշխարհի առաջնության ընտրական փուլի եվրոպական գոտու մրցաշարի J խմբի 5-րդ տուրի հանդիպման մասին:

«Ունենք շատ լավ թիմ, որին վստահում եմ: Իմ ու խաղացողների հարաբերությունները շատ լավն են: Մեզ ժամանակ է հարկավոր նոր մտքերն ու փիլիսոփայությունը կյանքի կոչելու համար: Խաղադաշտում կտեսնեք թիմ, որն ամեն ինչ անում է հաղթանակի համար:

Հայաստանի հավաքականը կարողանում է պրեսինգի դիմել ու լավ հակագրոհել: Առջևի գծում նրանք ունեն արագ խաղացողներ, որոնք կարող են անակնկալի բերել: Այդ պատճառով պետք է փորձենք գնդակ չկորցնել: Բոլորս գիտենք, թե որքան արագ ու տեխնիկապես լավ պատրաստված խաղացողներ են Հենրիխ Մխիթարյանն ու Սարգիս Ադամյանը:

Առջևում ունենք 2 կարևոր հանդիպումներ: Ցանկանում ենք 9 միավոր վաստակել ընտրական փուլի այս հատվածում: Դա մեր նպատակն է»,- գերմանացի մասնագետի խոսքը մեջբերում է Kicker.de-ն:

Գերմանիա - Հայաստան հանդիպումը տեղի կունենա սեպտեմբերի 5-ին Շտուտգարտի «Մերսեդես-Բենց Արենա» ստադիոնում և կմեկնարկի Երևանի ժամանակով 22:45-ին: Խաղը կսպասարկեն շոտլանդացի մրցավարներ՝ 42-ամյա Ուիլյամ Կոլամի գլխավորությամբ:

Այս թեմայով Հենրիխ Մխիթարյանը վնասվածք է ստացել Հենրիխ Մխիթարյանն իր երկրպագուներին սովորեցնում է արտասանել իր ազգանունը (տեսանյութ) Հենրիխ Մխիթարյանը, որպես Միլանի «Ինտերի» նոր խաղացող, բուժզննում է անցել Մահացել է Մինո Ռայոլան՝ Հենրիխ Մխիթարյանի գործակալը Ռուսական ակումբն այս ամառ փորձել է ձեռք բերել Մխիթարյանի տրանսֆերը Հենրիխ Մխիթարյանը չի բացառել իր տեղափոխությունը Ռուսաստան Գերմանիա-Հայաստան խաղում դաշտ դուրս գալու դեպքում Մխիթարյանը 90-րդ հանդիպումը կանցկացնի հավաքականի կազմում «Կապառոսն ընտիր մարզիչ է»․ Հենրիխ Մխիթարյանի բացառիկ հարցազրույցը (տեսանյութ) Խոակին Կապառոսի և Հենրիխ Մխիթարյանի նախախաղային մամուլի ասուլիսը (տեսանյութ) Հենրիխ Մխիթարյանը միացել է Հայաստանի հավաքականին (լուսանկար)