Շատ բարկացած էի, երեխաներիս վերցրի և դուրս եկա. ինչու է արցախցի կինը փորձել վերադառնալ Շուշի

Օգոստոսի 1–ին Շուշիի նախկին բնակիչ Իզաուրա Բալասանյանը  4 մանկահասակ երեխաների հետ, որոշել է հատել Շուշիի սահմանը՝ այնտեղ ապրելու նպատակով, սակայն ռուս խաղաղապահների միջամտությամբ նրանք հետ են վերադարձել։ Այս մասին ԼՈՒՐԵՐ.com-ի հետ զրույցում ասաց Իզաուրա Բալասանյանը:

Ըստ Իզաուրայի՝ նա այդ քայլին է դիմել այն բանից հետո, երբ տանտերը, որտեղ որ ապրում է նա, տան վարձը 100 հազարից դարձրել է 150 հազար դրամ. «Հոկտեմբերի 1-ից ես դուրս եմ եկել Շուշիի իմ տանից և բնակություն եմ հաստատել Ստեփանակերտի Դավիթ Բեկ փողոցի հանրակացարանում: Մինչև այս տան վարձի 50 հազար դրամը տալիս էր պետությունը, մյուս 50 հազարը ես էի վճարում, բայց, երբ տանտերը բարձրացրեց գումարը՝ դարձրեց այն 150 հազար դրամ, հասկացա, որ էլ ի վիճակի չեմ այն վճարելու»,- պատմեց Իզաուրան:

Մեր այն հարցին, թե արդյոք չէր վախենում 4 անչափահաս երեխաների հետ Շուշի վերադառնալ, պատասխանեց. «Այդ որոշումը կայացնելիս ես ոչնչի մասին չեմ մտածել, որովհետև շատ բարկացած էի, երեխաներիս վերցրի և դուրս եկա, ասացի՝ ես կորցնելու բան էլ չունեմ, երեխաներս են, իրենք էլ ինձ հետ են»,- նշեց նա:

Նա ընդգծեց, որ նախքան Շուշի վերադառնալը և այնտեղ բնակություն հաստատելու որոշում կայացնելը, դիմել է Տարածքային կառավարման և ենթակառուցվածքների նախարարություն կեցության հարցերը լուծելու, սակայն, ինչպես Իզաուրան է նշում, օգնություն չեն ցուցաբերել նրան, ինչից հետո ստիպված գնացել է այդ քայլին. «Ինձ որևէ մեկը ուշադրություն չէր դարձնում, իսկ հիմա, երբ այսպիսի մեծ հնչեղություն ստացավ խնդիրս, նոր նկատեցին ինձ: Տարածքային կառավարման և ենթակառուցվածքների նախարարությունից ինձ ասացին, որ ընտրեմ տուն, որտեղ որ կցանկանամ ապրել և նրանք այդ տունը կգնեն ինձ և երեխաներիս համար»,- նշեց Իզաուրան՝ հավելելով, որ արդեն ընտրել է տունը, այն գտնվում Ասկերանի շրջանի Կարմիր գյուղում: 

Իզաուրան մեզ հայտնեց, որ այս պահին բնակվում է Խնածախ գյուղի տներից մեկում, որը իր ընկերն է տրամադրել՝ անվճար հիմունքներով, մինչև նախարարության տուն տրամադրելը:

Մեր զրուցակիցը նաև հայտնեց, որ երեխաների պատասխանատվությունը միայն իր ուսերին է մնացել, ամուսինը տարիներ առաջ է մահացել ինֆարկտից, որի գերեզմանը մնացել է Շուշիում՝ ադրբեջանցիների տիրապետության տակ:

Զվարթ Պետրոսյան

Այս թեմայով Ես պիտի տուն գնամ ու ով փորձի խանգարել՝ իմ թշնամին է. արցախցի պատգամավոր Առանձնահատուկ շնորհավորում եմ արցախցի կանանց, որոնք անցնում են անասելի դժվարությունների միջով Ֆրանսիայի դեսպանը հանդիպել և շնորհավորել է արցախցի ուսանողուհուն Օպերայի հրապարակում տեղի կունենա հանրահավաք. Շուշիի նախկին քաղաքապետ Եթե այս ծրագիրը գործի դնեն՝ ունենալու ենք ավելի շատ Հայաստանը լքողներ․ արցախցի 2023-ին արցախցի երեխայի ոտքերը կտրել, փայտ էին տեղադրել, անարգել էին կանանց, հերթը ՀՀ-ինն է «Զանգ ստացա, որ հայրիկիս դիրքից ոչ ոք ողջ չի մնացել». արցախցի աղջկա պատմությունը «Երբեք չեմ հանդիպել մի մարդու, ով այդքան շատ կտար ու ոչինչ չէր վերցնի». արցախցի հասարակական գործիչը՝ Ռուբեն Վարդանյանի մասին Արցախից բռնահանված ընտանիքներում 29 երեխա է ծնվել Երևանում, 2 արցախցի բժիշկ ևս աշխատանքի է անցել Եթե Հայաստանում տանս հարցը լուծեմ, յոթերորդ երեխային էլ ուրախությամբ կսպասեմ. տեղահանված արցախցի