Էրդողանն ուղիղ եթերի ժամանակ հարվածել է մի երեխայի
ВидеоԹուրքիայի նախագահ Ռեջեփ Թայիփ Էրդողանը պաշտոնական արարողության ժամանակ հարվածել է մանկահասակ մի երեխայի գլխին։ Այս մասին հայտնում է Ermenihaber.am-ը։
Ռիզեյում Էրդողանը մասնակցել է գետնուղու բացման արարողությանը։ Միջոցառմանը մասնակցել են նաև մի խումբ երեխաներ, որոնք Էրդողանի հետ կանգնել են տոնական ժապավենի մոտ՝ մկրատները ձեռքներին, որպեսզի միասին հանդիսավոր կերպով կտրեն ժապավենը։
Բայց ժապավենը կտրելու արարողությանը նախորդել են երկար ելույթներ ու երխոսություններ, մանկահասակ երեխաներից մեկը այլևս չի համբերել, առանց Էրդողանի հրահանգին սպասելու կտրել է ժապավենը։
Թուրքական մամուլում լայն տարածում ստացած տեսանյութում երևում է, որ Էրդողանը ժապավենի կտրվելու պահը չի նկատում, բայց երբ հասկանում է, որ այն առանց իրեն արդեն կտրվել է, չի կարողանում զսպել բարկությունն ու կիսաբռունցքով մի քանի անգամ «թակում» է իր դիմաց կանգնած այդ երեխայի գլխին։
Ավելի ուշ, հավանաբար գիտակցելով, որ այդ պահը չի վրիպել օպերատորների ուշադրությունից, Էրդողանը «ջերմորեն» ձեռքը դնում է նույն երեխայի գլխին։ Իշխանամետ մամուլն էլ ակտիվորեն սկսում է տարածել հենց այդ՝ երկրորդ կադրը։
Այս միջադեպը թուրքական մամուլում մեծ իրարանցում է առաջացրել ոչ միայն երեխայի հանդեպ անթաքույց ագրեսիայի դրսևորման, այլև այն առումով, որ սա Էրդողանի մասնակցությամբ առաջին բացման արարողությունն էր, որտեղ վերջինս զրկված էր տոնական ժապավենն առաջինը կտրելու հնարավորությունից։
Самое популярное 
В Норатусе за сутки погибли двое мужчин – вследствие взрыва и огнестрельного ранения
