Մայր Աթոռը կազմակերպել է Արցախի պատմամշակութային ժառանգությունը ներկայացնող վավերագրերի ցուցահանդես

Մայր Աթոռի արխիվը «Միջազգային կրոնական ազատություն և խաղաղություն» համաժողովի շրջանակներում, օրհնությամբ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի, կազմակերպել է արխիվային վավերագրերի և լուսանկարների ցուցահանդես (հեղինակ և համադրող՝ Տ. Ասողիկ աբեղա Կարապետյան):

Այս գործում Մայր Աթոռի արխիվին աջակցել է «Կոնրադ Ադենաուեր» հիմնադրամը:

Ցուցահանդեսը ներկայացնում է Արցախի պատմամշակութային ժառանգությունը, 1933 թ. թեմի կազմալուծումը, Խորհրդային տարիներին արցախյան, առհասարակ՝ Ադրբեջանի ԽՍՀ-ի սահմանների մեջ հայտնված հայոց սրբավայրերի վիճակը, ինչպես նաև՝ 1988 թ. Արցախյան շարժման արդյունքում՝ թեմի վերահաստատումը:

Ցուցահանդեսն անդրադառնում է նաև Տ.Տ. Վազգեն Ա., Տ.Տ. Գարեգին Ա. և Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսների գահակալության տարիներին Արցախի և ղարաբաղյան հարցի հետ նրանց առնչություններին, ձեռնարկներին:

«Հատկանշական են այն համատեղ հայտարարությունները, որոնք ստորագրվել են Հայոց Հայրապետների և Կովկասի մահմեդականների հոգևոր առաջնորդների կողմից՝ գործուն մասնակցությամբ Ռուս Ուղղափառ Եկեղեցու Պատրիարքների, համաշխարհային եկեղեցական կազմակերպությունների»,-ասված է հաղորդագրությունում:

Առանձին ցուցավահանակներով ներկայացված է Դադիվանքը (որի անվտանգությունն ու պաշտպանությունն ստանձնել են ռուս խաղաղապահները) և Արցախի ոչնչացվող ու վտանգված սրբավայրերը:

Ցուցահանդեսի որոշ նյութեր Մայր Աթոռի արխիվին տրամադրել են Հայաստանի ազգային արխիվը, Հայաստանի պատմության թանգարանը, անհատ գիտաշխատողներ:

Այս թեմայով Մտահոգիչ է նախագծում «զուգընկեր» հասկացության նորամուծությունը. Մայր Աթոռ Մայր Աթոռում Կաթողիկոսի հանդիսապետությամբ կատարվեց Ոտնլվայի կարգը (լուսանկարներ) Մայր Աթոռ Սուրբ Էջմիածնի միաբանությունը մասնակցեց Դռնբացեքի արարողությանը Տ. Հարություն վարդապետ Կիրակոսյանը նշանակվել է Մայր Աթոռ Սուրբ Էջմիածնի լուսարարապետի պաշտոնակատար Կարգալույծ է հռչակվել Մայր Աթոռ Սուրբ Էջմիածնի միաբան Հոգեշնորհ Տ. Վազգեն աբեղա Պետրոսյանը Գրիգոր Լուսավորչի մասունքները բերվել են Խոր Վիրապ վանական համալիր (տեսանյութ) Խաղաղությունը չի կարող կերտվել հայ ժողովրդի արժանապատվության ոտնահարման պայմաններում․ Մայր Աթոռ Մայր Աթոռում կատարվել է հոգեհանգստի կարգ՝ Սումգայիթում նահատակվածների հիշատակին (տեսանյութ) Մայր Տաճարի վերաօծման եւ Մյուռոնօրհնության արարողությունները տեղի կունենան սեպտեմբերի 28-ին և 29-ին (տեսանյութ) Հազարավոր քաղաքացիներ դատապարտել են եկեղեցու նկատմամբ վարկաբեկիչ գործողությունները․ Մայր Աթոռ (տեսանյութ)