Սադախլո-Բագրատաշեն անցակետի տարածքում նոր կամրջի շինարարության աշխատանքներն ակտիվ ընթացքի մեջ են

Հայաստանի և Վրաստանի միջև պետական սահմանի Սադախլո-Բագրատաշեն անցման կետի տարածքում՝ Դեբեդ գետի վրա, նոր կամրջի շինարարության աշխատանքներն ակտիվ ընթացքի մեջ են։

«Ճանապարհային դեպարտամենտ» ՊՈԱԿ-ից հայտնում են, որ արդեն ավարտվել են հորատման աշխատանքները, կատարվում է կամրջի հիմքերի ամրանավորում և բետոնացում։ Կամրջի կառուցումն ընթանում է շինարարական փուլի աշխատանքային պլանին համապատասխան: Կառուցման մեկնարկը տրվել էր այս տարվա գարնանը։

Հիշեցնենք, որ Հայաստանի Հանրապետության և Վրաստանի պետական սահմանի Բագրատաշեն-Սադախլո անցման կետի տարածքում՝ Դեբեդ գետի վրա, նոր կամրջի կառուցումը հայ-վրացական համատեղ ծրագիր է‚ այն ֆինանսավորվում է Վերակառուցման և զարգացման եվրոպական բանկի‚ Հայաստանի և Վրաստանի կառավարությունների կողմից։ Ծրագրի ընդհանուր բյուջեն կազմում է շուրջ 9 մլն եվրո, որից 7,2 մլն եվրոն հանդիսանում է ՎԶԵԲ-ի տրամադրած վարկային միջոց, 1,8 մլն եվրոն՝ երկու երկրների բյուջետային միջոցներ։ Կամրջի նախագծման և շինարարության համար պայմանագիր է կնքվել Ariana Tunnel Dam Co. (Իրան) ընկերության հետ։ Տեխնիկական հսկողությունն իրականացնում է Soosung Engineering Co., Ltd և Korea Consultants International Co., Ltd. (Կորեա) համատեղ գործող ընկերությունը։

Կամրջի շինարարության ծրագիրն իրականացնում է «Ճանապարհային դեպարտամենտ» ՊՈԱԿ-ը։

Այս թեմայով ՀՀ տարածքում կան փակ ավտոճանապարհներ. Ստեփանծմինդա-Լարս ավտոճանապարհը բաց է ՀՀ տարածքում կան փակ ավտոճանապարհներ ՀՀ տարածքում կան փակ ավտոճանապարհներ Telegram-ի ամսական ակտիվ օգտատերերի թիվը հասել է 900 միլիոնի ՀՀ տարածքում կան փակ ավտոճանապարհներ ՀՀ տարածքում կան փակ ավտոճանապարհներ «Ժողովուրդ». Հայկ Սարգսյանի ընտանիքին պատկանող խանութի տարածքում պայթյունի հեղինակին բացահայտել են. ով է նա Կիևյան կամրջի վերանորոգման աշխատանքները կատարված են 6%-ով Արտակարգ դեպք՝ Երևանում․ հրդեհ է բռնկվել «Լունապարակի» տարածքում գտնվող «Golf» սրճարանում ՀՀ տարածքում կան փակ ավտոճանապարհներ