Շնորհակալ եմ երկու ժողովուրդների բարեկամության գործում Ձեր ներդրման համար. նախագահ Սարգսյանը հրաժեշտի հանդիպում է ունեցել Ժոնաթան Լաքոթի հետ

Հանրապետության նախագահ Արմեն Սարգսյանն այսօր ընդունել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Ժոնաթան Լաքոթին՝ մեր երկրում դիվանագիտական առաքելությունն ավարտելու կապակցությամբ:

Նախագահ Սարգսյանը բարձր է գնահատել դեսպան Լաքոթի դիվանագիտական ծառայությունը Հայաստանում և շնորհակալություն հայտնել հայ-ֆրանսիական ավանդական բարեկամական հարաբերությունների խորացմանն ուղղված նրա անձնական ջանքերի համար: «Շնորհակալ եմ Հայաստանում դիվանագիտական առաքելության ընթացքում Ձեր արդյունավետ աշխատանքի համար»,-ասել է նախագահ Սարգսյանը:

Նախագահը երախտագիտական նամակ է փոխանցել դեսպան Ժոնաթան Լաքոթին՝ ընդգծելով երկու երկրների ու ժողովուրդների բարեկամության գործում ունեցած նրա մեծ ավանդը:

Դեսպան Ժոնաթան Լաքոթն իր հերթին բարձր է գնահատել նախագահ Սարգսյանի ցուցաբերած վստահությունը իր՝ որպես դեսպանի, գործունեության հանդեպ: Նա ասել է, որ եղել ու մնալու է Հայաստանի լավագույն բարեկամներից և շարունակելու է իր ներդրումն ունենալ հայ-ֆրանսիական բարեկամական հարաբերությունների խորացման մեջ:

Այս թեմայով Հաջորդ անգամ, երբ ինչ–որ լրագրող ցանկանա խոսել «անջատողականների» մասին, նրան կառաջարկեի նայել այս լուսանկարը․ Ժոնաթան Լաքոթ Հատուկ գործողության առաջին օրերից մենք պաշտպանում ենք Դոնեցկն ու Գորլովկան. Արմեն Սարգսյան «Մեծ Բրիտանիայում այսօր տեղի ունեցողը շատ չի տարբերվում նրանից, ինչին ՀՀ-ն դիմակայում էր 30 տարի առաջ» Հայաստանի 4-րդ նախագահ Արմեն Սարգսյանը նամակ է հղել Հռոմի Պապին Սարգսյանը Սենթ Քիթսի և Նևիսի քաղաքացիություն ստացել է կես մլն ԱՄՆ դոլար ներդրման դիմաց. hetq.am ՀՀ 4-րդ նախագահի գրասենյակը հայտարարություն է տարածել «Հրապարակ». Արմեն Սարգսյանն արդյոք հայտարարագրել է եկամուտները «Հրապարակ»․ Աշխատակազմն էլ է տարակուսած «Ժողովուրդ». Փնտրվում է նախագահ Փորձ է կատարվում հանրության ուշադրությունը կրկին շեղել կեղծ օրակարգով. ՀՀ նախագահի աշխատակազմի հայտարարությունը