Ստեղծված իրավիճակում իրանցիները կփորձեն խուսափել այդ ճանապարհով Հայաստան ապրանքներ ներմուծելուց. Թունյան

Որքանով ես եմ հասկանում, տեսականորեն հնարավոր է, որ այդպիսի բան լինի։ Քանի որ այդ ճանապարհի մի մասը իրենց է պատկանում, իրենք այդ մասում մեր կողմի ու ռուսական կողմի հետ ունեն պայմանավորվածություն, որ պետք է որոշակի ներկայացվածություն ունենան՝ որքանով ես գիտեմ մաքսատան հրապարակած ինֆորմացիայից։ Բայց որ կլինի այնպիսի իրավիճակ, որ իրենք կկանգնեցնեն երրորդ երկրից մեր երկիր մուտք գործող բեռնատարները, նման բան ես ինքս չէի կանխատեսում, անդրադառնալով Գորիս-Կապան միջպետական ճանապարհի Որոտան բնակավայրի մոտ Ադրբեջանի ոստիկանության կողմից իրանական բեռնատարների ստուգման փաստին՝ ճեպազրույցում ասաց ԱԺ տնտեսական հարցերի հանձնաժողովի նախագահ, ՔՊ-ական պատգամավոր Բաբկեն Թունյանը։ 

Հարցին, թե ո՞րը կարող է լինել սրա հետեւանքը, ՔՊ-ական պատգամավորը պատասխանեց, որ հետեւանքը կարող է լինել այն, որ մարդիկ պարզապես կփորձեն խուսափել այդ ճանապարհով Հայաստան ապրանքներ ներմուծելուց. «Հայաստանի տարածք գալիս են հիմնականում այն բեռները, որոնք սպառվում են հենց Հայաստանում: Այսինքն իրանական բեռների համար Հայաստանը որպես տրանզիտ այնքան էլ չի ծառայում: Իրանական ապրանքների մուտքը ՀՀ որքան մեզ համար է կարեւոր, նույքան էլ՝ իրանցիների համար, որովհետեւ իրենք այստեղ շուկա ունեն»:

«Այսինքն, որևէ երկրի համար հաճելի չէ, երբ իր երկրի բեռնատարների համար լրացուցիչ խոչընդոտներ են ստեղծվում», - ասաց նա։

ԱԺ տնտեսական հարցերի հանձնաժողովի նախագահը հորդորեց սպասել իրավիճակի հանգուցալուծմանը։

«Իրավիճակը վերլուծելու համար պետք է բավարար ինֆորմացիա ունենալ՝ հասկանալու, թե այս պահին ինչ պրոցես է գնում, ինչ կարելի է սպասել, նոր գնահատականներ տալ։ Ես նման վերլուծություն այս պահին չեմ կարող անել», - ասաց Թունյանը։

Այս թեմայով Իրանի ԱԳ նախարարը կոչ է արել Կիևին և Արևմուտքին դադարեցնել Թեհրանի նկատմամբ «անհիմն մեղադրանքները» Իրանի դեսպանը ԵՄ դիտորդական առաքելության մեջ որեւէ խնդիր չի տեսնում․ ՀՀ ԱԳ փոխնախարար Իրանի և Իրաքի սահմանին 5․1 մագնիտուդ ուժգնությամբ երկրաշարժ է տեղի ունեցել Սաուդյան Արաբիայի տարածքը չի օգտագործվի Իրանի դեմ ռազմական գործողություններ իրականացնելու համար․ Al Arabiya Ռուսաստանը, Չինաստանը և Իրանը համատեղ ռազմածովային զորավարժություններ կանցկացնեն Իրանում հրավառության ժամանակ 17 մարդ է զոհվել Իրանի ԱԳ նախարարը հեռախոսազրույց է ունեցել Լավրովի հետ Իրանը հայտարարել է Ռուսաստանից Սու-35 կործանիչների գնման գործարքի ավարտի մասին ՀՀ ՔԿ նախագահը և Իրանի դեսպանն անդրադարձել են թմրամիջոցների մաքսանենգության դեմ պայքարում գործադրվող համատեղ ջանքերին Պենտագոնի ղեկավարն ու Իսրայելի վարչապետը քննարկել են «իրանական սպառնալիքը»