«Հայաստան»-ը չի մասնակցի Կոռուպցիայի կանխարգելման հանձնաժողովի անդամի քվեարկությանը

Հակակոռուպցիոն քաղաքականության սկզբունքային դերակատարներից մեկը քաղաքական ընդդիմությունն է, սակայն այն մոդելը, որը որդեգրվել է հիմա, բացարձակ զրոյացրել է ընդդիմության դերակատարությունը։ Ազգային ժողովի բարձր ամբիոնից այս մասին ասաց «Հայաստան» խմբակցության քարտուղար Արծվիկ Մինասյանը։

«Չափազանց սկզբունքային նշանակություն ունի այն քաղաքականության հիմնադրույթը, թե, ի վերջո, ինչպես ենք մենք պատկերացնում հակակոռոպցիոն քաղաքականությունը մեր երկրում։ Անշուշտ, սա բոլոր տիպի երկրների համար հիմնարար հարց է։ Առավել ևս՝ մեր նման երկրի, որն անցնելով խորհրդային կարգերը, որտեղ չափազանց մեծ էր կոռուպցիայի դերը ու նշանակությունը կամ հարաբերությունների կարգավորման հարցում  նրա ունեցած ազդեցությունը։ Անցումային շրջանում  նույնպես զերծ չենք մնացել այս բացասական երևույթից, ավելին, այն շատ ավելի խորը և հիմնավորապես է ազդել երևույթների վրա։ Սակայն, երկար ժամանակ քննարկումների արդյունքում որդեգրվել է մի մոդել, որտեղ, մեր խորին համոզմամբ, չի կարող հակակոռուպցիոն քաղաքականությունը ունենալ դրական արդյունք, նախ այն պատճառով, որ կոռուպցիան ծնող հիմնական շարժառիթը ու պատճառը իշխանական ազդեցության լծակն է թե՛ հանրային ֆինանսական ռեսուրսների հասանելիության, թե՛ այդ ռեսուրսների բաշխման մակարդակում»,- ընդգծեց Մինասյանը։

Պատգամավորի կարծիքով՝ սկզբունքային նշանակություն ունի, թե որոնք են կոռուպցիայի դեմ պայքարի այն համակարգային բաղադրիչները, որոնք պետք է նպաստեն, որ կոռուպցիայի դեմ պայքարը արդյունավետ լինի։

«Անշուշտ, ինչպես միջազգային փորձն է վկայում, հակակոռուպցիոն քաղաքականության սկզբունքային դերակատարներից մեկը քաղաքական ընդդիմությունն է։ Հակակոռուպցիոն մարմնի, տվյալ դեպքում՝  կոռուպցիայի կանխարգելման հանձնաժողովի ղեկավարումը կամ առնվազն ազդեցիկ դերակատարումը այս մարմնի գործունեության մեջ պետք է քաղաքական ընդդիմությունը ունենա։ Սակայն այն մոդելը, որը որդեգրվել է հիմա, բացարձակ զրոյացրել է ընդդիմության դերակատարությունը»,- նշեց Մինասյանը։

Պատգամավորը հայտարարեց, որ  «Հայաստան» խմբակցությունը չի մասնակցելու Կոռուպցիայի կանխարգելման հանձնաժողովի անդամի քվեարկությանը։

Այս թեմայով Կոչ ենք անում ԵԽ–ին և ԵԱՀԿ-ին՝ դատապարտել խոսքի ազատության ճնշումը Հայաստանում․ EFJ ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին Հայաստանն առաջին անգամ օգնություն կստանա ԵՄ Խաղաղության հիմնադրամից․ ԶԼՄ Հայաստան մտնող ցորենի 99%-ը ներկրվում է ՌԴ-ից, պարենային անվտանգության հարցերի մասին պիտի խոսե Ոսկեպարցիներից հավաքել են հեռախոսները. Սուրեն Պետրոսյանին չեն թողել մասնակցի հանդիպմանը. մանրամասներ (տեսանյութ) 44-օրյայի մասնակցի հետ ՀՀ-ում վարվում են այնպես, ինչպես Բաքվում՝ մեր գերիների հետ Բագրատ Սրբազանը չի մասնակցի Ոսկեպարում Փաշինյանի հետ հանդիպմանը «Հրապարակ». Ե՞րբ Հայաստան կայցելի Քըլըչը «Հայաստան» և «Պատիվ ունեմ» խմբակցությունները համատեղ հայտարարություն են տարածել Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը