3 թեկնածու՝ Վճռաբեկ դատարանի դատավոր․ ովքե՞ր են նրանք

Ազգային ժողովը քննարկում է Վճռաբեկ դատարանի դատավորի թափուր պաշտոնի համալրման հարցը: Կա երեք թեկնածու՝ Հովսեփ Բեդևյանը, Լիանա Հակոբյանն ու Հրաչ Այվազյանը: Թեկնածուներին ներկայացնում է  Բարձրագույն դատական խորհրդի նախագահի ժամանակավոր պաշտոնակատար Գագիկ Ջհանգիրյանը:

«Պատիվ ունեմ» խմբակցության պատգամավոր Թագուհի Թովմասյանը հարց ուղղեց Ջհանգիրյանին՝ ներողություն խնդրելով, որ հարցը չի վերաբերելու թեկնածուին:

«Ուզում եմ ձեզանից հետաքրքրվել այն բոլոր մտահոգիչ  լուրերի մասին, որոնք  պտտվում են Ձեր այսօրվա գործունեության մասին, որ դուք դատական իշխանությունը դարձրել եք «գրպանային  իշխանություն» ու  բացառապես ձեզ հետ ճշտելով են դատավորները  սկսել վճիռներ կայացնել»,-ասաց պատգամավորը:

Գագիկ Ջհանգիրյանը հարցին ի պատասխան նշեց, որ ինքը չի կարող մասնակցել Ազգային ժողովի ոչ աջ հատվածի, որ  ձախ հատվածի, ոչ  էլ կենտրոնում նստած հատվածի քաղաքական քննարկումներին:

«Ես իրավունք չունեմ, ես պետք է ձեռնպահ  մնամ քաղաքական որևէ գնահատականներից, բայց դուք  կոնկրետ մեղադրանք եք հնչեցնում ու ես  պարտավոր եմ դրան պատասխանել:  ԲԴԽ-ն որևէ դատավարական գործառույթով օժտված չէ, մենք, տիկին Թովմասյան , նաև հեռախոսով ենք խոսել, կալանավորներից մեկը, չեմ ուզում անունը ասել, Ձեզ ասել է, որ ես ճնշել եմ  դատավորին, որպեսզի այս կամ այն որոշումը կայացնեն: Ինքս երկրորդ նախագահի ժամանակ , այնուհետև՝  նաև երրորդ նախագահի ժամանակ հանիրավի անցկացրել եմ բանտում , ես արդարացվել եմ 12 տարի անց,  ու իմ իրավունքների խախտումը  ճանաչել է նաև Եվրոպական դատարանը, ու ես չեմ պատկերացնում , թե ինչպես ես կարող եմ ճնշել  դատավորներին, որ ապագայում ևս Հայաստանն ունենա հանիրավի  դատապարտված մարդիկ»,-ասաց Գագիկ Ջհանգիրյանը։

Այս թեմայով «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է «Ժողովուրդ». Ջալալ Հարությունյանի գործով հարցաքննվել են 3 վկաներ․ ովքեր են նրանք «Ազատություն», «Աշոտյան»․ երիտասարդների ակցիան՝ Աշոտյանի գործը քննող դատարանի դիմաց ՄԻՊ-ն ընդունել է ԱՄՆ Հավայի նահանգի Գերագույն դատարանի դատավորին, քննարկվել են մի շարք հարցեր Ովքե՞ր են հայերեն երգող ու պարող ռուանդացի փոքրիկները. Նրանք հուսով են մի օր այցելել Հայաստան. բացառիկ մանրամասներ Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր «Ժողովուրդ». Ովքե՞ր կլինեն ՄԻԵԴ-ի 3 լավագույն թեկնածու դատավորները. ընտրելու ժամանակ է տրված Դատարանի շենքի մոտ կատարված սպանության փորձի վերաբերյալ վարույթի նյութերն ուղարկվել են դատարան. 40-ամյա տղամարդը կալանավորված է Դատավոր Վահե Միսակյանին խիստ նկատողություն հայտարարվեց «Ժողովուրդ». ՔՊ-ն կհանդիպի ՍԴ դատավորի թեկնածու Դավիթ Խաչատուրյանի հետ. իշխանությունը դրական է տրամադրված