Արման Անտոնյանը դանակահարությունից հետո առաջին անգամ է մասնակցում ավագանու նիստին

Երևանի ավագանու «Իմ քայլը» խմբակցության ավագանու անդամ Արման Անտոնյանը 7-րդ նստաշրջանի 1-ին նիստի օրակարգին անցնելուց առաջ անդրադարձավ օգոստոսի 1-ին իր դեմ կատարված մահափորձին։

Անտոնյանը, ում անհայտ անձինք մահակներով, ինչպես նաև դանակով հարվածներ էին հասցրել, նշեց, որ նման գործողությունները հարիր են միայն Հայաստանի թշնամի ազգին։

«Կյանքի ու մահվան կռիվ տվեցի, Աստծո կամքով և հրաշքով ծայրահեղ ծանր վիճակից դուրս եկա և փրկվեցի։ Մեր տուն ներխուժած անձինք վնասել էին նաև ընտանիքիս անդամներին։ Քնած ժամանակ նրանք մահակների բազմաթիվ հարվածներ էին հասցրել հիմնականում գլխիս հատվածում, ապա դանակի 11 հարված հասցրել։ Նման գործողությունները հարիր են միայն թշնամի ազգին»,- նշեց Անտոնյանը։

Նա շեշտեց, որ ավագանու անդամի դեմ մահափորձը, որն իրականացվել է իր մասնագիտական գործունեության համար՝ ուղիղ ոտնձգություն է պետության և համայնքի նկատմամբ։

Երևանի քաղաքապետ Հայկ Մարությանը առողջություն մաղթեց Անտոնյանին և հույս հայտնեց, որ նույն թափով կշարունակի գործունեությունը։

Օգոստոսի 1-ի գիշերը ժամը 1։00-ի սահմաններում, դիմակավորված և զինված անձանց կողմից Անտոնյանը դանակահարվել էր։ Դանակի 11 հարված ստացած ավագանու անդամին ծայրաստիճան ծանր վիճակում տեղափոխել էին հիվանդանոց։

Այս թեմայով ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին «Մորս է նեղացրել». դանակահարություն՝ Արթիկում. 17-ամյա բնակչի մոտ հայնաբերվել է մի քանի դանակ, որից մեկը՝ արյունոտ ԵԱՏՄ-ի մայիսի 8-ի նիստին Հայաստանի մասնակցության հարցը քննարկվում է․ վարչապետ 10 պատգամավորի թույլ չտրվեց մասնակցել ԱԺ փակ նիստին Կարողանալու եք չէ՞ էնպես անեք, որ մետրոյի նոր կայարանի կառուցման հետհաշվարկ սկսենք. Ավինյանը՝ նիստին Մենք գրկաբաց սպասում ենք «Գոյին», որ միասին աշխատենք. Մարությանը՝ ավագանու ընդդիմադիր անդամներին «Տվորչեսկի» հարց ա, ընկել եք բնակարանի կռվի հետևի՞ց. Մարությանը՝ ավագանու ընդդիմադիր անդամին Նոր փոփոխություն Երևանի ավագանու կազմում. ո՞վ է վայր դնում մանդատը. «Փաստ» Դանակահարություն՝ Արմավիրի մարզում․ մասնակիցներից 2-ը մարմնական վնասվածքներով տեղափոխվել են հիվանդանոց ԿԸՀ-ն արտահերթ նիստում Երևանի ավագանու անդամ է գրանցել