Գագիկ Ջհանգիրյանը պնդեց՝ hոկտեմբերի 27-ի գործը բացահայտված է, այդ ուղղությամբ արվել է անհնարինը

ԲԴԽ նախագահի պաշտոնակատար Գագիկ Ջհանգիրյանը պնդեց՝ hոկտեմբերի 27-ի գործը բացահայտված է, և արել են անհնարինը այն բացահայտելու համար։ Ջհանգիրյանն այս մասին ասաց` պատասխանելով Ազգային ժողովում «Հայաստան» խմբակցության պատգամավոր Ագնեսա Խամոյանի հարցին, ով ընթերցեց ԲԴԽ նախագահի պաշտոնակատար Գագիկ Ջհանգիրյանի հարցազրույցից մի հատված:

«Հոկտեմբերի 27-ի գործը, ինչ կա չկա  բացահայտված է ու ամեն ինչ  քրեական գործի նյութերում է»,-Ջհանգիրյանի խոսքը մեջբերեց Խամոյանը:

Պատգամավորը հետաքրքրվեց՝ շարունակո՞ւմ է Ջհանգիրյանը մնալ նույն կարծիքին :

«Ես ինչ ասել եմ` ուժի մեջ է, ամեն ինչ այդ գործի մեջ է, ամեն ինչ բացահայտված է, պարզ է ու հիմա էլ նախաքննությունը շարունակվում է»,-ասաց Ջհանգիրյանը:

Ջհանգիրյանն ընդգծեց՝  արել են անհնարինը գործը բացահայտելու համար:

«Այո,  իմ, գզրոցներում որևէ բան չկա, ինչ կա, այդ քրգործերի մեջ է, որովհետև ժամանակին , երբ ինձ հանիրավի մեղադրում էին, նաև այդ գզրոցներն են քրքրել»,-ասաց Ջհանգիրյանը:

Խամոյանը հարցրեց՝ եթե բացահայտված է, ինչո՞ւ են շարունակում քաղաքական շահարկումներ լինել այս գործի առումով:

«Ես չեմ ասել, որ բոլոր հանցակիցները բացահայտված  են, պատվիրատուները բացահայտված են, ես ասել եմ՝ ինչ կա չկա՝ այդ քրեական գործի մեջ է, խնդրում եմ՝ տարընթերցման չտանել, նախաքննությունը շարունակվում է»,-ասաց ԲԴԽ նախագահի պաշտոնակատարը:

Նաիրի Հունանյանը 1999 թվականի հոկտեմբերի 27-ին եղբոր, քեռու և մի քանի այլ անձանց հետ իրականացրել է Հայաստանի Հանրապետության Ազգային ժողովի վրա հարձակումը, որը տեղի է ունեցել հերթական նստաշրջանի՝ կառավարությանը հարց ու պատասխանի ժամանակ՝ կառավարության անդամների ներկայությամբ։ 21 տարի առաջ տեղի ունեցած ահաբեկչությանը զոհ են գնացել 8 պետական գործիչներ` ՀՀ վարչապետ Վազգեն Սարգսյանը, ԱԺ նախագահ Կարեն Դեմիրճյանը, փոխխոսնակներ Յուրի Բախշյանն ու Ռուբեն Միրոյանը, Օպերատիվ հարցերի նախարար Լեոնարդ Պետրոսյանը, պատգամավորներ Արմենակ Արմենակյանը, Հենրիկ Աբրահամյանը եւ Միքայել Քոթանյանը:

Այս թեմայով Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել Էրդողանը հրահանգել է Նիկոլին «ապացուցել», որ հայերի ցեղասպանություն չի եղել. Գագիկ Համբարյան Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար Սամվել Մայրապետյանից և Գագիկ Հակոբջանյանից կբռնագանձվի 11 մլն դոլար Գագիկ Սուրենյանը՝ ապրիլ ամսին սպասվող եղանակի մասին Երկնքի մի կտոր երկրի վրա․ Գագիկ Սուրենյանը տեսանյութ է հրապարակել «Օրվան համահունչ երկինք»․ Գագիկ Սուրենյանը լուսանկար է հրապակել Թո՛ղ Քրիստոսի հարության ավետիսը նոր լույսով ու հույսով լցնի մեզնից յուրաքանչյուրի սիրտը․ Գագիկ Ծառուկյան Գագիկ Խաչատրյանի գործով դատավորը Սյունիքի դատարանում նշանակվելուց հետո հետ է գործուղվել Երևան. ի՞նչ են պարզաբանում ԲԴԽ-ից. «Փաստ» «Սկզբունքայնություն»՝ ՔՊ ոճով. Գագիկ Մելքոնյան, Անդրանիկ Քոչարյան