Բելառուսում Լուկաշենկոյին վիրավորելու համար տղամարդը դատապարտվել է մեկուկես տարի ազատազրկման
ԱշխարհԲրեստի շրջանի բնակիչը, ով համացանցում տեղադրել էր Բելառուսի նախագահ Ալեքսանդր Լուկաշենկոյի մասին վիրավորական գրառում, դատապարտվել է մեկուկես տարվա ազատազրկման: Այս մասին հաղորդում է MK.ru-ն:
Բելառուսի Բրեստի մարզի Լյախովիչի շրջանի դատարանը քաղաքացի Ս. -ին մեղավոր է ճանաչել Բելառուսի Հանրապետության քրեական օրենսգրքի 367-րդ հոդվածի 1-ին մասով և 368-րդ հոդվածի 1-ին մասով նախատեսված հանցագործությունների համար: Նա դատապարտվել է 1 տարի 6 ամսվա ազատազրկման ընդհանուր ռեժիմի ուղղիչ գաղութում:
Ինչպես նշվում է գործի նյութերում, 2020 թվականի օգոստոսի 20-ին տղամարդը Telegram մեսենջերում հրապարակել է պետության ղեկավարի լուսանկարը` իբր որպես հետախուզվող անձ, և դրա տակ տեղադրել վիրավորական գրառումներ:
Մեղադրյալը ոչ մի տեղ չի աշխատել, ունեցել է քրեական անցյալ: Նա զղջացել է հանցագործության համար՝ ընդունելով իր մեղքը եւ իր վարքագիծը բացատրել նրանով, որ ենթարկվել է սոցիալական ցանցերի ազդեցությանը: