Time ամսագիրը հրապարակել է 2021 թվականի 100 ամենաազդեցիկ մարդկանց անունները
Всемирная пресса
Ամերիկյան Time ամսագիրը հրապարակել է 2021 թվականի 100 ամենաազդեցիկ մարդկանց ցուցակը: Նրանք դասակարգվում են որպես` տիտաններ, նորարարներ, արտիստներ, առաջնորդներ, գյուտարարներ և կուռքեր: Միեւնույն ժամանակ, ամսագրի հեղինակները չեն դասակարգել ցուցակի մասնակիցներին:
Ցանկի «Առաջնորդների» թվում են ԱՄՆ նախագահ Ջո Բայդենը, ԱՄՆ նախկին նախագահ Դոնալդ Թրամփը եւ Չինաստանի նախագահ Սի Ցզինպինը: Նրանք այս վարկանիշում ընդգրկված են երկրորդ տարին անընդմեջ: Առաջին անգամ ցուցակում են հայտնվել Իտալիայի և Իսրայելի վարչապետներ Մարիո Դրագին և Նաֆթալի Բենեթը, ԱՄՆ Հիվանդությունների վերահսկման և կանխարգելման կենտրոնների ղեկավար Ռոշել Վալենսկին:
Օլիմպիական քառակի ու Աշխարհի 19-ակի չեմպիոն Սիմոնա Բայլզը Apple-ի գործադիր տնօրեն Թիմ Քուկի հետ միասին հայտնվել է Տիտանների ցուցակում: Իսկ երգչուհի Բիլի Այլիշը, ինչպես նաեւ Ջորջ Ֆլոյդի փաստաբան Բեն Քրամփը ներառված են «Նորարարներ» կատեգորիայում:
«Արտիստներ» անվանակարգում ընդգրկված են դերասաններ Օմար Սին, Սքարլեթ Յոհանսոնը, Քեյթ Ուինսլեթը: Երգչուհի Բրիթնի Սփիրսը, ինչպես նաև բրիտանական արքայազն Հարին և նրա կինը՝ Մեգան Մարքլը, ճանաչվել են տարվա «կուռքեր»:
SpaceX- ի հիմնադիր Իլոն Մասկը ներառվել է «Գյուտարարներ» կատեգորիայի մեջ, որում հայտնվել են նաև Nvidia-ի գործադիր տնօրեն Ջենսեն Հուանգը, General Motors ընկերության գլխավոր տնօրեն Մերի Բարրան:
Самое популярное 
Сирия обвинила Израиль в нанесении ударов по объектам противовоздушной обороны страны
