Այնթապ գյուղում եղբայրների են դանակահարել. ոստիկանության բացահայտումը

Սեպտեմբերի 13-ին, ժամը 21.15-ին, հիվանդանոցից ոստիկանության Մասիսի բաժին հաղորդում ստացվեց, որ «կրծքավանդակի թափանցող կտրած-ծակած վերք` թոքի վնասումով, կրծքավանդակի, պարանոցի և գլխի ծակած-կտրած վերքեր, որովայնի մակերեսային վնասվածքներ» ախտորոշմամբ բուժօգնության է տեղափոխվել Այնթապ գյուղի բնակիչ, 40-ամյա մի տղամարդ: Մեկնած օպերատիվ խումբը պարզեց, որ Այնթապ գյուղի օղակաձև խաչմերուկի մոտակայքից հիվանդանոց է տեղափոխվել նաև նրա 38-ամյա եղբայրը: Ավագ եղբայրն ի վիճակի չէր բացատրություն տալու. վիճակը ծանր էր, և նա տեղափոխվեց «Էրեբունի» բժշկական կենտրոն: Ճշտվեց, որ նա սեպտեմբերի 1-ից Էրեբունու բաժնի կողմից հետախուզվում էր դիտավորությամբ առողջությանը թեթև մարմնական վնաս պատճառելու մեղադրանքով, ինչը, սակայն, այս դեպքի հետ որևէ առնչություն չունի:
Ձեռնարկված օպերատիվ-հետախուզական միջոցառումներով ձեռք բերվեցին օպերատիվ տեղեկություններ, որ սեպտեմբերի 13-ին Այնթապ գյուղում ծագած կենցաղային անհիմն վիճաբանության ընթացքում «Էրեբունի» ԲԿ տեղափոխված անձին դիտավորյալ մարմնական վնասվածք են պատճառել նույն փողոցի բնակիչներ, 37 և 38 տարեկան եղբայրները: Հարևան եղբայրները նախ կռվել են ձեռքերով, հետո 37 տարեկանը դանակի հարվածներ է հասցրել 40-ամյա հարևանին, ապա օդամղիչ ատրճանակով մի քանի կրակոց արձակել նրա ուղղությամբ:
Բացատրական աշխատանքի շնորհիվ սեպտեմբերի 14-ի գիշերը որոնվող եղբայրները կամավոր ներկայացել են բաժին և տվել խոստովանական ցուցմունք:
Երկուսն էլ ձերբակալվել են:
Առավոտյան նրանցից մեկի մատնացույց արած կոյուղու խողովակի միջից հայտնաբերվեց օդամղիչ ատրճանակը: Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
Հանգամանքները պարզվում են:

Այս թեմայով «Մորս է նեղացրել». դանակահարություն՝ Արթիկում. 17-ամյա բնակչի մոտ հայնաբերվել է մի քանի դանակ, որից մեկը՝ արյունոտ Դանակահարություն՝ Արմավիրի մարզում․ մասնակիցներից 2-ը մարմնական վնասվածքներով տեղափոխվել են հիվանդանոց Վիճաբանություն և դանակահարություն Նոր Հաճնում. կա ձերբակալված անձ Դանակահարություն՝ Երևանում․ անչափահասները տեղափոխվել են հիվանդանոց Դանակահարություն ՝ Հրազդանի կիրճում գտնվող ռեստորանում. կա վիրավոր Վիճաբանություն և դանակահարություն Հաղթանակ թաղամասում. կա ձերբակալված անձ Դանակահարություն՝ Երևանի Ինֆորմատիկայի պետական քոլեջի մոտ. քոլեջի 18-ամյա ուսանողը հիվանդանոցում մահացել է Դանակահարություն՝ Արմավիրի մարզի Ալաշկերտ գյուղի կենտրոնական զբոսայգում Դանակահարություն՝ Չարենցավանում Վիճաբանություն ու դանակահարություն՝ Գեղարքունիքի մարզի դպրոցներից մեկում