Իրանցի վարորդներն ազատ կարձակվեն 3-օրյա ժամկետում. Պապիկյան

Գորիս–Կապան ավտոճանապարհի վրա ադրբեջանցի ոստիկանների կողմից ձերբակալված իրանցի վարորդները, ամենայն հավանականությամբ, ազատ կարձակվեն 3-օրյա ժամկետում։ Այս մասին այսօր՝ սեպտեմբերի 16-ին, լրագրողների հետ զրույցում նշեց ՀՀ փոխվարչապետ Սուրեն Պապիկյանը։

«Այս ուղղությամբ ռուս սահմանապահներն աշխատում են, այս պահին նաև բանակցություններ են ընթանում, նաև Իրանն է իր դիվանագիտական խողովակներով աշխատում։ Այս առումով խնդիրը մեծ հաշվով մեր դաշտում չէ»,– ասաց Պապիկյանը։

Փոխվարչապետի խոսքով, Հայաստանն այս ռիսկը հաշվի չի առել, բայց մյուս կողմից նաև այլ տարբերակի ընտրություն չի ունեցել։ Այդուհանդերձ, ըստ Պապիկյանի, ստեղծված իրավիճակի պատճառով բեռնափոխադրումների ծավալը չի նվազել։

«Բեռների փոխադրումը Իրանից ՀՀ կանգ չի առնելու։ Մենք հիմա ունենք նաև այլընտրանքային եղանակներ բոլոր բեռները ՀՀ ցանկացած տարածք տեղափոխելու, նաև` Հայաստանը` որպես տարանցիկ երկիր Իրանի համար դիտարկելու համար»,– ասաց Պապիկյանը։

Ինչ վերաբերում է Գորիս–Կապան ճանապարհին տեղադրված ադրբեջանական ոստիկանական կետերին, Պապիկյանի դիտարկմամբ, դրանք Ադրբեջանի գործն են, որին Հայաստանը միջամտել չի կարող։ ՀՀ փոխվարչապետի մեկնաբանմամբ՝ ճանապարհի այդ հատվածները խորհրդային քարտեզներով Ադրբեջանի տարածքում են։

Հիշեցնենք, որ այս տարվա սեպտեմբերի 9-ին Սյունիքի մարզի Որոտան գյուղի հատվածում ադրբեջանցիները ոստիկանական հենակետ են բացել։ Սեպտեմբերի 11-ից նրանք կանգնեցնում են բեռնատարներին և ստուգում վարորդների փաստաթղթերը։

Այս թեմայով Սուրեն Պապիկյանը հեռախոսազրույց է ունեցել ԱՄՆ պաշտպանության քարտուղարի տեղակալի հետ Պաշտպանության նախարարը և ԶՈՒ ԳՇ պետը հանդիպել են ուսումնական գումարտակի զինծառայողների հետ «Փաստ». Փաշինյանը ցանկանում է ազատվել Սուրեն Պապիկյանից «Հրապարակ». Սուրեն Պապիկյանը կպատժվի՞ Ծնվել է Սուրեն Պապիկյանի առաջնեկը ՔՊ-ն իր առաջ խնդիր չի դրել բոլոր տեղերում հաղթել ու միայն հաղթել․ սա ձեռքբերում է․ Պապիկյան (տեսանյութ) Սուրեն Պապիկյանի աշխատանքային այցը Հնդկաստան ավարտվել է Հնդկաստանում Սուրեն Պապիկյանն այցելել է Գանդինագարում բացված DEFEXPO ցուցահանդես Սուրեն Պապիկյանը մեկնել է Հնդկաստան «Հրապարակ». Պապիկյանն շտապել է. նախագիծը դեռ պատրաստ չէ