ՔՊ-ական քաղաքապետերի անցած ուղին. Արթուր Ճաղարյան

Վերլուծական 17 Սեպտեմբեր, 2021 18:53

Շարունակելով ընթերցողի ուշադրությանը ներկայացնել ՔՊ-ական քաղաքապետերի անցած ուղին` այսօր կանդրադառնանք ամիսներ առաջ Իջանի քաղաքապետի պաշտոնակատար նշանակված Արթուր Ճաղարյանին:

Վերջինիս պաշտոնական կենսագրությունից տեղեկանում ենք, որ Ճաղարյանը 1990-1995թթ.․ ընդունվել և ավարտել է Երևանի ճարտարապետաշինարարական ինստիտուտի տեխնոլոգիական ֆակուլտետի շինարարության էկոնոմիկա և կառավարում բաժինը։ 1996-1998թթ.․ ծառայել է ՀՀ ԶՈՒ-ում՝ որպես ինժեներասակրավորային դասակի հարամատար, այնուհետև՝ վաշտի հրամանատար։ 1998-1999 թթ.․ աշխատել է «Երկաթգիծշին-1» ՓԲԸ-ում՝ որպես աշխղեկ։ 2000-2011թթ.. աշխատել է ՀՀ Անշարժ գույքի Կադաստրի պետական կոմիտեի Իջևան տարածքային ստորաբաժանման՝ անշարժ գույքի հաշվառման և կադաստրային գնահատման բաժնի 1-ին կարգի մասնագետ (2-րդ դասի, առաջատար ծառայողի դասային աստիճան)։ 2011-2015թթ.․ եղել է ՀՀ Անշարժ գույքի Կադաստրի պետական կոմիտեի Տավուշի մարզային ստորաբաժանման hաշվառման տվյալների մուտքագրման բաժնի պետ (ՀՀ քաղաքացիական ծառայության 3-րդ դասի խորհրդականի դասային աստիճան)։ 2015-2021թթ.․ աշխատել է Իջևանի համայնքապետարանում՝ որպես համայնքի ղեկավարի տեղակալ։

Կարելի է ասել, որ Ճաղարյանը նույնպես, որոշ առումով նախկին պաշտոնյա է, սակայն, Նիկոլ Փաշինյանը հենց նրան է վստահել հայրենի Իջևանի ղեկավարումը: Ընդ որում, մամուլը գրել է, որ Ճաղարյանը նոյեմբերին կայանալիք ՏԻՄ ընտրություններում Իջևանում ՔՊ գլխավոր թեկնածուն է լինելու: Թե՛ իշխանական պատգամավոր Վահե Ղալումյանի, թե՛ նրա մարզպետ եղբայր Հայկ Ղալումյանի «դաբրոյով» է, որ Ճաղարյանը ներկայացվել է իշխանություններին ու արժանացել որպես թեկնածու առաջադրվելու հավանությանը;