Քաջարան-Սիսիան ճանապարհի կառուցումն, ամեն դեպքում, ծախսատար է. Մհեր Գրիգորյան

Փոխվարչապետ Մհեր Գրիգորյանը դժվարանում է այս պահին ասել՝ որքա՞ն գումար կպահանջվի Հյուսիս-Հարավ ճանապարհային մեծ ծրագրի հարավային՝ Քաջարան-Սիսիան հատվածի կառուցման համար, քանի որ նախագծային աշխատանքները դեռ չեն ավարտվել: Սակայն շեշտում է, որ, ամեն դեպքում, դա շատ ծախսատար նախագիծ է:

Փոխվարչապետն այդ մասին ասաց լրագրողների հետ ճեպազրույցում՝ «Արմենպրես»-ի հարցին ի պատասխան՝ անդրադառնալով էկոնոմիկայի նախարար Վահան Քերոբյանի հայտնած այն տեղեկությանը, որ կառավարությունը մոտ 1 մլրդ ԱՄՆ դոլար կհատկացնի Քաջարան-Սիսիան ճանապարհահատվածի շինարարության համար:

«Նախագծային աշխատանքներն ավարտելուց հետո միայն այդ պրոյեկտի վերաբերյալ հնարավոր կլինի ինդիկատիվ բյուջե նշել: Դրա գործընթացը հետևյալն է. նախ և առաջ, նախագծային աշխատանքներ են պատվիրվում և իրականացվում, որի շրջանակում նոր պարզ է դառնում, թե տեխնիկական լուծումները որոնք են և այդ տեխնիկական լուծումները որքան ծախս կպահանջեն: Ես ձեզ անկեղծ ասեմ՝ դա բավական ծախսատար է, ամեն դեպքում՝ հաշվի առնելով ռելիեֆը, տեղանքը, որովհետև այնտեղ թե՛ կամուրջների ու թունելների անհրաժեշտություն կա, և թե՛ երկար ճանապարհի: Բայց, գիտեք, եթե ես հիմա նույնիսկ ինդիկատիվ բյուջե ասեմ՝ այն կլինի շա՜տ մոտավոր, քանի որ մինչև նախագծային աշխատանքների գոնե կես փուլը չանցնի՝ դրա մասին խոսելը վաղ է», - «Արմենպրես»-ին հայտնեց փոխվարչապետ Մհեր Գրիգորյանը՝ ևս մեկ անգամ շեշտելով, որ, այո՛, ամեն դեպքում, դա շատ ծախսատար նախագիծ է:

Էկոնոմիկայի նախարար Վահան Քերոբյանը սեպտեմբերի 16-ի կառավարության նիստից հետո լրագրողների հետ ճեպազրույցում խոսել էր Գորիս-Կապան ճանապարհի հայտնի խնդիրների մասին՝ նշելով, որ, ամեն դեպքում, կա շրջանցիկ ճանապարհ, և բացի այդ՝ կառավարությունը նախատեսում է 487 մլրդ դրամ, այսինքն՝ մոտ 1 մլրդ ԱՄՆ դոլար հատկացնել «Հյուսիս-Հարավ»-ի Քաջարան-Սիսիան հատվածի շինարարությանը:

Այս թեմայով Փոխվարչապետ Մհեր Գրիգորյանը նոր խորհրդական ունի Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրական ժողովրդավարությունը գոյություն ունի միայն այնտեղ, որտեղ որ բացառվում է մարդու շահագործումը, աղքատությունը․ Մհեր Ավետիսյան Մեկնարկել է Երևան-Գառնի-Գեղարդի վանք ճանապարհի մի հատվածի հիմնանորոգումը Ցանկացած այլ երկրի դեպքում ներողություն կխնդրեի. ծանրորդ Նազիկ Ավդալյան (տեսանյութ) Սանահին-Ակներ ճանապարհի կառուցման աշխատանքները մոտենում են ավարտին Ինչ անել գլխուղեղի կաթվածի նշանների դեպքում. ԱՆ իրազեկումը «Հրապարակ». «Միասնական հայրենիք»-ի ղեկավար Մհեր Տերտերյանը հայտնվել է ամբաստանյալի կարգավիճակում Ծրագրերը համակարգելիս անզիջում լինել որակից շեղման ցանկացած դրսևորման դեպքում. Վարդանյան