Չգիտեմ` ինչու են բացառություն անում․ Բաբլոյանը՝ պաշտոնյաներին ՊՇՌ թեստից ազատելու մասին

«Չգիտեմ, թե ինչու են նախատեսել նման բացառություն», - անդրադառնալով արդարադատության նախարարության ներկայացրած օրինագծին, որի հաստատման դեպքում բարձրաստիճան պաշտոնյաները կազատվեն ՊՇՌ թեստ հանձնելու պարտականությունից, ասել է «Արաբկիր» ԲԿ ղեկավար, ԱԺ նախկին նախագահ Արա Բաբլոյանը՝ «Sputnik Արմենիա»-ին։

Նա շեշտել է, որ իր համար ՀՀ նախագահը, վարչապետը, նախարարը կամ շարքային քաղաքացին նույն հարթությունում են, բոլորին պետք է ցուցաբերվի նույն մոտեցումը, բոլորը պետք է ենթարկվեն նույն կարգ ու կանոնին։

«Վստահ չեմ, որ նախագահը կամ մեկ այլ բարձրաստիճան պաշտոնյա պետք է համաձայն լինի դրան։ Մենք, ամեն դեպքում, պետք է հասկանանք, որ յուրաքանչյուր անձ ունի իր պատկերացումն այդ հարցում, բայց հանրության իրավունքն էլ կախված է յուրաքանչյուրի վարքագծից», - ասել է Արա Բաբլոյանը։

Նրա կարծիքով` երբ առկա են համավարակի տարածման մտահոգիչ ցուցանիշներ, ապա հարց է առաջանում, թե արդյոք անհատի իրավունքը կարո՞ղ է գերակա լինել հանրության իրավունքից։ Պետք է ստեղծել պայմաններ, որպեսզի մարդիկ ավելի ակտիվ մասնակցեն պատվաստման գործընթացին։

Այս թեմայով Դատարանն այսօր Արա Բաբլոյանի նկատմամբ ընտրված խափանման միջոցը վերացրեց. պաշտպան Արա Բաբլոյանի նկատմամբ քրեական հետապնդումը չի դադարեցվի Հասկացել եմ մի բան՝ մեղադրվում եմ այն պատճառով, որ բժիշկ եմ ու ընտրվել եմ ԱԺ նախագահ. Արա Բաբլոյան (տեսանյութ) Դատավարության մեկնարկն այսօր է․ «Հրապարակ»