Մոնիկա Բելուչիի արտաքին տեսքը քննարկման թեմա է դարձել սոցիալական ցանցերում
ԼուսանկարներԻտալացի դերասանուհի և մոդել Մոնիկա Բելուչիի արտաքին տեսքը քննարկման թեմա է դարձել սոցիալական ցանցերում: Համապատասխան նկարներն ու մեկնաբանությունները հայտնվել են Daily Mail-ում:
56-ամյա հայտնին մասնակցել է Maria Callas : Letters & Memories պիեսին, որը տեղի է ունեցել երեքշաբթի` սեպտեմբերի 21-ին, Աթենքի հնագույն Odeon of Herodes թատրոնում: Լուսանկարիչները ֆիքսել են մոդելին նեղ սև զգեստով և վզնոցով:
Դերասանուհու կերպարն ամբողջացրել են կիպ հավաքված մազերը, վառ դիմահարդարումը և զարդերը:
Հրատարակության ընթերցողները երկիմաստ են արձագանքել Բելուչիի նոր լուսանկարներին, որոնց մասին նրանք սկսել են գրել հրապարակման մեկնաբանություններում: Ոմանք քննադատել են նրա արտաքին տեսքը. «Նա ծերանում է և այնքան էլ լավ տեսք չունի», «Տարիքը նրան չի սազում», «Մոնիկան այլևս նույնը չէ», «Ի՞նչ է պատահել նրա հետ», «Այլևս գեղեցկուհի չէ»,- գրել են նրանք:
Միևնույն ժամանակ, այլ օգտատերեր հիացել են դերասանուհու գեղեցկությամբ. «Իր տարիքի համար հիասքանչ տեսք ունի», «Գեղեցիկ կին, ինչպես նախկինում», «Լավագույն կինը», «Որքան շատ եմ նրան սիրում»,- մեկնաբանել են օգտատերերը: