Եթե մեղավոր է՝ թող իր պատիժը կրի․ Սյունիքի մարզպետի՝ հետախուզման մեջ գտնվող որդին ինքնակամ ներկայացել է ՔԿ

Սյունիքի մարզպետ Մելիքսեթ Պողոսյանի որդին՝ 33-ամյա Կարեն Պողոսյանը, որը հուլիսի 21-ից ոստիկանության կողմից հետախուզման մեջ էր գտնվում, երեկ՝ սեպտեմբերի 22-ին, ներկայացել է Քննչական կոմիտեի հատկապես կարևոր գործերով քննության գլխավոր վարչություն և տեղափոխվել «Արմավիր» քրեակատարողական հիմնարկ։ ԼՈՒՐԵՐ․com-ի հետ զրույցում Սյունիքի մարզպետ Մելիքսեթ Պողոսյանը հաստատեց տեղեկությունը․ «Եթե ասում են՝ ուրեմն ճիշտ ա։ Գործը տվել են Վերաքննիչ, էնտեղից կանչել են, գնացել, ներկայացել է»,-ասաց նա։

Թե ինչո՞ւ այս ամիսների ընթացքում որդին չի ներկայացել քննող մարմին և միայն հիմա է որոշել ներկայանալ՝ մարզպետն ասաց՝ չգիտի․ «Ես չեմ զբաղվել այդ հարցերով։ Եղել է դատապաշտպան, ինքն է զբաղվել»,- նշեց նա։

Ճշտող հարցին՝ հետախուզման մեջ գտնվող որդին այդ ընթացքում տա՞նն է եղել՝ Պողոսյանն ասաց․ «Իրենցից հարցրեք, կասեն էլի»։ Դիտարկմանը՝ ինչպե՞ս կարող է տեղեկություն չունենալ որդուց, մարզպետն ասաց․ «Տեղյակ չեմ, եկել ա, գնացել ա, ես ի՞նչ իմանամ։ Մեր տունը Գորիսում ա, իմ աշխատանքը՝ Կապան»,- նշեց մարզպետը։

Ինչ վերաբերում է միջադեպին, որին ենթադրաբար մասնակցություն է ունեցել որդին, ապա մարզպետն ասաց․ «Քննությունը կպարզի ինքը մեղավոր է, թե ոչ։ Եթե մեղավոր է՝ թող իր պատիժը կրի, ինչ ասեմ։ Ես կարծում եմ, որ բողոք չկա, խնդիր չկա, ինչքան գիտեմ՝ էդպես ա»,- ասաց Մելիքսեթ Պողոսյանը։

Ավելի վաղ ՔԿ-ից հայտնել էին, որ 2021թվականի հուլիսի 13-ին Գորիս քաղաքում հնչած կրակոցների դեպքի առթիվ հարուցված քրեական գործով որոշում է կայացվել որպես մեղադրյալ ներգրավել Կարեն Պողոսյանին, միջնորդություն է ներկայացվել դատարան՝ կալանավորումը որպես խափանման միջոց ընտրելու վերաբերյալ, որը բավարարվել է: Նա մինչև երեկ հետախուզման մեջ էր:

Միջադեպը տեղի էր ունեցել Սյունիքի գործող մարզպետ Մելիքսեթ Պողոսյանի որդու և Սյունիքի նախկին մարզպետ Սուրիկ Խաչատրյանի որդու՝ Տիգրան Խաչատրյանի միջև։

Նշենք, որ կրակոցների արդյունքում կային տուժածներ։ 

Սոնա Հարությունյան

Այս թեմայով Մեծածավալ միջոցառումներ՝ «Արմավիր» քրեակատարողական հիմնարկում «Հրապարակ». ՔՊ-ականները հիշել են Սյունիքի տեղը Վթարային ջրանջատում Արմավիր քաղաքում ապրիլի 12-ին Սյունիքի մարզում ժայռային հատվածներով անցնող ճանապարհներին քարաթափումներ են լինում «Արմավիր» ՔԿՀ հանձնուք տարած կնոջ մոտից հայտնաբերվել է հերոինին նմանվող զանգվածով 180 փաթեթ Ադրբեջանական ԶՈՒ–ն գիշերը կրակ է բացել Սյունիքի մարզի ուղղությամբ Արտակարգ դեպք. Սյունիքի մարզում էլեկտրաենթակայան է այրվում Խոշոր վթար Արմավիր-Սարդարապատ ճանապարհին․ կա երեք զոհ Գագիկ Խաչատրյանի գործով դատավորը Սյունիքի դատարանում նշանակվելուց հետո հետ է գործուղվել Երևան. ի՞նչ են պարզաբանում ԲԴԽ-ից. «Փաստ» Դավիթ Օհանյանը նշանակվել է Սյունիքի առաջին ատյանի ընդհանուր իրավասության դատարանի դատավոր