Ադրբեջանի վարչապետը Վրաստանին հրավիրել է օգտվել «Զանգեզուրի միջանցքից»

Ադրբեջանի վարչապետ Ալի Ասադովը Վրաստանին հրավիրել է օգտվել «Զանգեզուրի միջանցքից»: Նա հնչեցրել է իր «առատաձեռն» առաջարկը՝ ելույթ ունենալով Ադրբեջանի և Վրաստանի տնտեսական համագործակցության համատեղ միջկառավարական հանձնաժողովի 8 -րդ նիստում:

Ըստ Ալի Ասադովի՝ Վրաստանում ամենաշատ ներդրումներ կատարող երկիրն Ադրբեջանն է: «Էներգետիկայի և տրանսպորտի համատեղ նախագծերը հաջողված տարածաշրջանային համագործակցության օրինակ են և ծառայում են տարածաշրջանում խաղաղության և կայունության ամրապնդմանը: Այս նախագծերը խթան հանդիսացան Հարավային Կովկասի վերափոխման համար, փոխեցին տարածաշրջանի քաղաքական, տնտեսական, տրանսպորտային և էներգետիկ քարտեզը: Այս նախագծերը թույլ տվեցին Ադրբեջանին և Վրաստանին ապահովել իրենց բարեկեցությունը, սոցիալ-տնտեսական զարգացումը և բարձրացնել մեր երկրների կարևորությունը միջազգային գործընկերների համար: Անցյալ տարվա վերջին օրերը նշանավորվեցին պատմականորեն նշանակալից իրադարձությամբ: Շահագործման հանձնվեց Տրանսադրիատիկ գազամուղը՝ Հարավային գազային միջանցքի վերջին հատվածը: Ադրբեջանական գազը սկսեց մատակարարվել Եվրոպային: Այս նախագիծը կարևոր է ընդհանուր զարգացման, կայունության, համագործակցության համար ոչ միայն Հարավային Կովկասի տարածաշրջանում, այլև ավելի լայն Եվրասիական տարածաշրջանում:  Մեր համագործակցությունը տրանսպորտային և տարանցիկ ոլորտում հաջողությամբ շարունակվում է: Նույնիսկ համաճարակի պայմաններում մենք ձեռնարկեցինք բոլոր անհրաժեշտ միջոցները ՝ ապահովելու տրանսպորտային և տարանցիկ միջանցքների անխափան աշխատանքը»,- ասել է Ասադովը:

 «Ադրբեջանը, Վրաստանը և Թուրքիան շարունակում են միասին աշխատել միջանցքը ամբողջ հզորությամբ գործարկելու համար: Այս առումով, մենք հույս ունենք, որ համապատասխան աշխատանքները կարագացվեն Վրաստանի կողմից`Թուրքիայի հետ սահմանին երկաթուղային հատվածի շինարարական և փուլային շահագործման ավարտի համար: Հարավային Կովկասում տնտեսական կապերի և տրանսպորտային հաղորդակցության վերականգնումը ձեռնտու է տարածաշրջանի բոլոր երկրներին: Տրանսպորտային և կապի նոր ենթակառուցվածքի ստեղծումը կնպաստի բեռնափոխադրումների աճին և զգալի տնտեսական օգուտներ կբերի տարածաշրջանային մասշտաբով: Ես նկատի ունեմ կոնկրետ Զանգեզուրի միջանցքը», - ասել է Ադրբեջանի վարչապետը:

Այս թեմայով Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ Ադրբեջանը ստանում է իրեն պատկանող երկուսուկես գյուղ, Հայաստանը՝ անվտանգային ռիսկերի նվազեցում․ վարչապետի աշխատակազմ Արդարադատության միջազգային դատարանում ավարտվել են Հայաստանն ընդդեմ Ադրբեջանի գործով լսումները Ադրբեջանի Իլ-76 ինքնաթիռը թռել է Իսրայելի «Օվդա» ավիաբազա (լուսանկար) Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը Լեմկինի ինստիտուտն արձագանքել է ՄԱԿ ԱՄԴ-ում Ադրբեջանի հայտարարությանը