20-ամյա ծառայությունից հետո դադարում եմ կատարել Տեղեկատվական համակարգի տնօրենի աշխատանքը

Վահրամ ավագ քահանա Մելիքյան ֆեյսբուքյան էջում գրառում է արել.

«Սիրելի գործընկերներ, բարեկամներ և ընկերներ, ծառայակից եղբայրներ,

Շուրջ 20-ամյա ծառայությունից հետո այսօրվանից դադարում եմ կատարել Մայր Աթոռ Սուրբ Էջմիածնի Տեղեկատվական համակարգի տնօրենի ու խոսնակի պարտականությունները և ծառայությունս Սուրբ Էջմիածնին պիտի շարունակեմ այլ հանգամանքում։ Որդիական երախտագիտությունս Ամենայն Հայոց Հայրապետին՝ այս տարիների ընթացքում անձիս հանդեպ իր վստահության, մեր աշխատանքում՝ համբերատարության և հետևողականության համար։

Իմ երախտագետ զգացումներն եմ փոխանցում բոլոր այն ԶԼՄ պատասխանատուներին, խմբագիրներին ու լրագրողներին, ում հետ անցել եմ երկաուձիգ այս ճանապարհը՝ փորձելով Հայոց Եկեղեցու առաքելությունը, մերօրյա ծառայությունը, խնդիրներն ու ցավերը, հայ եկեղեցականին ավելի հասանելի ու ըմբռնելի դարձնելու մեր հասարակությանը, հանրահռչակել քրիստոնեականը։ Միշտ չէ, որ ունեցել ենք նույն հայացքները երևույթների վերաբերյալ, սակայն դա բնավ չի խոչընդոտել, որ մեր հարաբերություններում լինենք շիտակ ու ազնիվ, գործակցենք փոխվստահության և հարգանքի մթնոլորտում, գտնենք աշխարհիկի ու հոգևորի ներդաշնակեցման ուղին։ Պատրաստակամ եմ շարունակելու օգտակար լինել հոգևոր կյանքի լուսաբանման հարցերում։

Այս դաշտում ծառայությունը ինձ պարգևել է նաև բազում ընկերներ ամենատարբեր ոլորտներում, որոնց հետ իմ հոգևոր կապն ու բարեկամությունը այլևս անխորտակելի է և անկասելիորեն հարստանում է կյանքիս նորանոր գեղեցիկ դրվագներով։

Շնորհակալ եմ մեր թեմակալ առաջնորդներին, իմ հոգևոր եղբայրներին ի Քրիստոս, Մայր Աթոռի և թեմերի աշխատակիցներին արդյունավետ համագործակցության և ի պայծառություն մեր Սուրբ Եկեղեցու Տեղեկատվական համակարգի առաքելությանը նպաստելու պատրաստակամության համար։

Եվ ի վերջո, իմ ջերմագին շնորհակալությունն եմ հայտնում Տեղեկատվական համակարգի բոլոր նախկին և ներկա լծակից եղբայրներին և քույրերին, որոնց նվիրումի, նախանձախնդրության և պատրաստակամության շնորհիվ հնարավոր դարձան տարիների բոլոր իրագործումներն այս անդաստանում, արդյունավորվեց մեր թիմային աշխատանքը։

Բարի ծառայություն եմ մաղթում Տեղեկատվական համակարգի նոր տնօրենին՝ հոգևոր եղբորս՝ Արժանապատիվ Տ․ Եսայի քահանա Արթենյանին»։

Այս թեմայով ՀՀ ցանկացած սմ հող կարող է հանձնվել բացառապես հանրաքվեով. Ռուբեն Մելիքյան (տեսանյութ) Գյուղացիները տագնապած են, որ իրենց կյանքը կփոխվի դեպի բացասականը. Սեմյոն քահանա Առաքելյան (տեսանյութ) Ոստիկանությունը վերածվել է քաղաքական վրեժխնդրության անպատժելի գործիքակազմի․ Ռուբեն Մելիքյան ԱՄՆ Սենատի արտաքին հարաբերությունների հանձնաժողովի ավագ փորձագետն ու ՀՀ-ում ԱՄՆ դեսպանն այցելել են Հայոց ցեղասպանության հուշահամալիր Տպավորություն է, որ ազգային դիմագիծն արմատապես փոխելուն ուղղված գործընթաց է մեկնարկել․ Արման Մելիքյան Պետրոս Ղազարյանի հրավերն ընդունված է․ Եսայի քահանա Արթենյան Որոշ սրիկաներ փորձում են փող աշխատել Սամվել Վարդանյանի անունն օգտագործելով․ Ռուբեն Մելիքյան Վայոց ձորում իրանական համարանիշերով բեռնատարը կողաշրջվել է Սամվելի գրավի գումարը հավաքելու համար ունենք ընդամենը 2 օր. Ռուբեն Մելիքյան Պապիկյանը հետևել է ԶՈՒ բարձրագույն և ավագ սպայական կազմերի ատեստավորման գործընթացի կրակային պատրաստության քննությանը