Ադրբեջանցիներն Աղավնոյի մոտով հիմա անցնում են խելոք ու հանգիստ․ Նաիրի Հոխիկյան

Լրագրող Նաիրի Հոխիկյանի գրառումը. «2020-ի նոյեմբերին, երբ ադրբեջանական զորքի որոշ մնացուկներ դեռևս երբեմն հայտնվում էին Բերձորի ճանապարհին, մի անգամ 3-4 հոգի դուրս եկան մեր դիմաց ու պահանջեցին մեքենան կանգնեցնել։ Ընկերոջս հետ վերադառնում էինք Ստեփանակերտից և անմիջապես հասկացանք, որ եթե կանգնենք, ապա լավագույն դեպքում գերի կընկնենք։
Որոշեցինք մեքենան քշել թշնամու զինվորների վրա։ Իրար հրմշտելով փախան ճանապարհից՝ մեր հետևից հայհոյելով ու ռացիայով կապ հաստատելով հաջորդող խմբի հետ։
Մի քանի կմ այն կողմ կրկին կանգնած էին ադրբեջանցիներ, վստահաբար ռացիայով սրանց էին տեղեկացրել։ Մենք նույն արագությամբ շարունակեցինք մեքենայի ընթացքը՝ մտավախություն ունենալով, որ թշնամին կկրակի։ Բայց զարմանալիորեն ադրբեջանական համազգեստով 15-20 հոգին քաշված էր մի կողմ ու լոկ նենգ հայացքով նայում էր՝ հավանաբար վախենալով, որ իրենց վրա ևս կքշենք մեքենան կամ հենց մենք կկրակենք։
Մի քանի օր առաջ՝ 2021-ի սեպտեմբերին, Արցախի Աղավնո գյուղի ղեկավար Անդրանիկ Չավուշյանը ասել էր, թե զգուշացրել է ռուս խաղաղապահներին, որ եթե իրենց գյուղից թեկուզ մեկ կենդանի ադրբեջանցիները գողանան, ապա Աղավնոյի բնակիչները կոչնչացնեն թշնամու ամբողջ ավտոշարասյունը։
Ադրբեջանցիներն Աղավնոյի մոտով հիմա անցնում են խելոք ու հանգիստ, որևէ կենդանի այս հատվածից թշնամին չի առևանգում։
Բերածս օրինակները փաստում են, որ մեր լռությունը ոգևորում է թշնամուն։ Վարդենիսի, Գորիսի, Կապանի, Արցախի բնակիչներն ու սահմանապահները պետք է կոշտ ու դաժան լինեն ադրբեջանական կողմի յուրաքանչյուր սադրանքի նկատմամբ։ Դա թշնամուն զսպելու միակ արդյունավետ ձևն է»։

Այս թեմայով Արտակարգ դեպք՝ Երևանում․ շորթման եղանակով  «Նաիրի Ինշուրանս» ՍՊԸ ղեկավարից փորձել են խոշոր չափի գումար ստանալ Նաիրի համայնքի Բուժական բնակավայրում գործարկվելու է էլեկտրական շչակ Խայտառակություն է, որ Հայաստանի հայերի 30%-ն է կյանքում գոնե մեկ անգամ եղել Արցախում․ Նաիրի Հոխիկյան Ռուսաստանում արտագնա աշխատանքի մեկնած մեր հայրենակիցներից հարկ ուզելու լուրը հաստատվեց․ Նաիրի Հոխիկյան Խոպան գնացած մեր հայրենակիցներից Հայաստանի իշխանությունը հարկ է ուզում․ Նաիրի Հոխիկյան Նաիրի Զարյան փողոցում 36-ամյա տղամարդը սեռական բնույթի բռնի գործողություններ է կատարել կնոջ նկատմամբ Արա Մարտիրոսյանը «Նաիրի» ԲԿ է տեղափոխվել ծայրահեղ ծանր վիճակում Կոտրվել են երկու ոտքերս. Նաիրի Հոխիկյան Նաիրի Հունանյանի կողքի խցում փտելու եք, այլ տարբերակ չկա. Հայկ Մամիջանյան «ՀայաՔվեի» Մարտունու կետում սադրանք է տեղի ունեցել. փորձել են վնասել ստորագրահավաքի թղթերը