Մինսկի խմբի համանախագահությունն այն ձևաչափն է, որտեղ կարելի է գտնել ԼՂ հարցի կայուն լուծումը. Իտալիայի նախագահ

Իտալիան ԵԱՀԿ Մինսկի խմբի համանախագահությունը համարում է այն ձևաչափը, որտեղ կարելի է գտնել Լեռնային Ղարաբաղի հակամարտության կայուն և խաղաղ լուծումը: Այս մասին ասաց Իտալիայի նախագահ Սերջո Մատարելլան՝ ՀՀ նախագահ Արմեն Սարգսյանի գլխավորած պատվիրակության հետ ընդլայնված կազմով հանդիպումից հետո մամուլի համար արված հայտարարության ժամանակ:

Անդրադառնալով հանդիպմանը՝ Իտալիայի նախագահը տեղեկացրեց, որ խոսել են ԼՂ հարցի կայուն և երկարաժամկետ լուծում գտնելու մասին։

«Բնականաբար, վերահաստատեցինք, որ Մինսկի խումբն այն ձևաչափն է, որտեղ կարելի է գտնել կայուն և խաղաղ լուծումը»,-ասաց Մատարելլան՝ կրկին շեշտելով, որ Իտալիան խրախուսում է երկու երկրներին գտնել ճիշտ երկխոսություն ու նպաստել տարածաշրջանի զարգացմանը:

Ընդլայնված կազմով հանդիպմանը հայկական կողմից մասնակցել են ՀՀ արդարադատության նախարար Կարեն Անդրեասյանը, ՀՀ կենտրոնական բանկի նախագահ Մարտին Գալստյանը, Իտալիայում ՀՀ արտակարգ և լիազոր դեսպան Ծովինար Համբարձումյանը, նախագահի խորհրդական Ռուբեն Կարապետյանը և այլոք։

Այս թեմայով «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ Վայոց ձորում իրանական համարանիշերով բեռնատարը կողաշրջվել է Ալեն Սիմոնյանն ընդունել է Ղազախստանի նախագահ Կազիմ-Ժոմարտ Տոկաեւին Վարչապետը չի հավատում, որ Ցեղասպանության զոհ է դարձել 1,5 մլն հայ, մտադիր է հերթով գտնել ու հաշվել ազգանունները Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ Մի փնտրեք դավադրություններ էնտեղ, որտեղ չկան. ԿԳՄՍ նախարարը` «Ակադեմիական քաղաքի» մասին Սահմանների հարցը չի կարելի կտրել մարդուց, դա հենց մարդու անվտանգ կյանքի, նրա իրավունքների համար է Դուք գիտե՞ք Լոռին որտեղ ա, դուք գիտե՞ք Տավուշը որտեղ ա. Փաշինյան (տեսանյութ) ՔՊ-ն 12-13 քկմ-ոց թուրքական վիլայեթ է պատկերացնում, որտեղ Փաշինյանը կլինի «սմատրյաշչիյ» Ինչքա՞ն կարելի ա ամեն ինչի համար գնալ պետական պարտք վերցնել. Խաչատրյանը՝ փոխնախարարին